Surya Grahan 2021 Today | ग्रहणाबाबत इतर देशांची काय धारणा आहे जाणून घ्या
सूर्यग्रहण किंवा चंद्रग्रहण ही वैज्ञानिकदृष्ट्या खगोलीय घटना मानली जाते, पण धार्मिकदृष्ट्या वेगवेगळ्या देशांमध्ये त्याबद्दल वेगवेगळ्या समजुती आहेत. चला तर मग जाणून घाऊयात काय आहेत त्या मान्यता.
भारत: राहू आणि केतू या ग्रहांचा या ग्रहणाशी खूप जवळचा संबंध आहे अशी भारतीय समजूत आहे. राहू सूड घेण्यासाठी वेळोवेळी सूर्य आणि चंद्र घेतो. जेव्हा राहू सूर्याला गिळतो तेव्हा सूर्यग्रहण होते आणि जेव्हा राहू चंद्राला गिळतो तेव्हा चंद्रग्रहण होते. पण राहूला धड नसल्यामुळे तो सूर्य किंवा चंद्राला पूर्णपणे गिळू शकत नाही आणि थोड्याच वेळात सूर्य त्याच्या स्थितीत परत येतो. यासह ग्रहण समाप्त होते. अशा कथा भारतात प्रचलित आहे.
चीनमध्ये अशी मान्यता आहे जेव्हा ड्रॅगन सूर्याला गिळतो तेव्हा सूर्यग्रहणाची घटना घडते. सूर्याला ड्रॅगनच्या पकडीतून सोडवण्यासाठी चिनी देव झांग जियान ड्रॅगनवर बाण सोडतात, त्यानंतर सूर्य ड्रॅगनच्या पकडीतून सुटतो आणि ग्रहण संपल्यानंतर परिस्थिती सामान्य होते. अशी मान्यता आहे.
ग्रीक लोकांचा असा विश्वास आहे की जेव्हा देव लोकांवर रागावतो तेव्हा ग्रहण होते. नाराजी दूर झाल्यानंतर, सूर्य त्याच्या स्थितीत परत येतो.
व्हिएतनामचे लोक ग्रहणाची घटना बेडकाशी जोडतात. त्यांच्या मते, जेव्हा एखादा मोठा बेडूक सूर्य किंवा चंद्राला गिळतो तेव्हा ग्रहण होते.
उत्तर अमेरिकेतील चिपेवा जमातीच्या लोकांचा असा विश्वास आहे की आकाशात बाण सोडल्याने सूर्यग्रहण संपते आणि सूर्य त्याच्या स्वरूपात परत येतो.