Maldives Crisis : मालदीवची स्थिती बिकट, आर्थिक घडी विस्कटली, मदतीसाठी भारताकडे पसरले हात
Maldives Crisis : मालदीवला आता भारताची किंमत कळून चुकली असेल. भारताशी पंगा घेणाऱ्या मालदीवचे वाईट दिवस सुरु झाले आहेत. मालदीवला आता पैशांसाठी भारताकडे हात पसरावे लागले आहेत. भारतानेही आपलं मोठ मन दाखवलय.
भारताशी पंगा घेणं मालदीवला खूपच महाग पडलं आहे. भारतीयांनी जेव्हापासून मालदीवला बॉयकॉट केलय, तेव्हापासून मालदीवला दर दिवशी कोट्यवधी रुपयांच नुकसान सहन करावं लागतय.
पर्यटक आणि पर्यटन हे मालदीवच्या कमाईचे मुख्य स्त्रोत आहेत. भारतीयांच्या मिशन बॉयकॉटमुळे त्यांचं मोठ नुकसान होतय. परिस्थिती संभाळण्यासाठी मालदीव वारंवार भारताकडे मदतीची मागणी करत आहे.
भारताने आतापर्यंत अनेकदा मालदीवची मदत केली आहे. आर्थिक संकटात फसलेल्या मालदीवसाठी पुन्हा एकदा भारताने मदतीचा हात पुढे केला आहे.
मालदीवच्या अर्थ मंत्रालयाकडून जारी करण्यात आलेलं 5 कोटी अमेरिकी डॉलरच ट्रेजरी बिल स्टेट बँक ऑफ इंडियाने सब्सक्राइब केलय.
हे सब्सक्रिप्शन एक वर्षाच्या अवधीसाठी आहे. 19 सप्टेंबर 2024 पासून हा अवधी सुरु झालाय.
ट्रेजरी बिल्स सब्सक्राइब करण्याचा अर्थ आहे की, SBI मालदीव सरकारला एका निश्चित अवधीसाठी कर्ज देत आहे.
याआधी मे 2024 मध्ये SBI ने अशाच पद्धतीने मालदीव सरकारच्या विनंतीवरुन याच मॅकेनिज्म अंतर्गत 5 कोटी अमेरिकन डॉलर्सच बिल सब्सक्राइब केलं होतं.
आपातकालीन आर्थिक मदतीसाठी मालदीव सरकारच्या विनंतीवरुन हे सब्सक्रिप्शन करण्यात आलं होतं.
ट्रेजरी बिल्स सरकारने जारी केलेले शॉर्ट-टर्म डेट इंस्ट्रूमेंट्स असतात. शॉर्ट टर्म आर्थिक गरजा पूर्ण करण्यासाठी सरकार या पैशांचा वापर करते.
मालदीवचे परराष्ट्र मंत्री मूसा जमीर सध्या श्रीलंकेत आहेत. देश आर्थिक समस्यांचा सामना करतोय असं जमीर म्हणाले होते. त्यासाठी इंटरनॅशनल मॉनेटरी फंडाची (IMF) मदत घेण्याची आवश्यकता नाहीय.