मनोज कुमार यांचे गाजलेले ‘5’ सिनेमे, मोडले होते सर्व रेकॉर्ड
हिंदी सिनेमा विश्वातील दिग्गज अभिनेते मनोज कुमार यांनी एकापेक्षा एक सिनेमे बॉलिवूडला देत चाहत्यांचं मनोरंजन केलं. आज मनोज कुमार यांचं निधन झालं. मनोज कुमार यांच्या काही सिनेमांनी बॉक्स ऑफिसवर बक्कळ कमाई केली. आज त्यांच्या गाजलेल्या सिनेमांबद्दल जाणून घेऊ...
अभिनेते मनोज कुमार स्टारर 'दस नंबरी' सिनेमा 1976 मध्ये प्रदर्शित झाला होता. सिनेमात मनोज कुमार यांच्यासोबत अभिनेत्री हेमा मालिनी आणि दिवंगत अभिनेते अमरीश पुरी यांनी देखील मुख्य भूमिका साकारली होती. सिनेमाने भारतात 14.71 कोटींची कमाई केली होती.
'क्रांती' सिनेमाने देखील चाहत्यांचं भरभरुन मनोरंजन केलं. सिनेमा 1981 मध्ये प्रदर्शित झाला होता. सिनेमात मनोज कुमार यांच्यासोबत दिलीप कुमार, शशी कपूर, शत्रुघ्न सिन्हा, हेमा मालिनी आणि परवीन बॉबी यांनी मुख्य भूमिका साकारली होती. सिनेमा 3.1 कोटी रुपयांच्या बजेटमध्ये तयार झाला होता. तर सिनेमाने भारतात 10 कोटी तर जगभरात 16 कोटींची कमाई केली.
1974 प्रदर्शित झालेल्या मनोज कुमार यांच्या 'रोटी कपडा मकान' सिनेमाने देखील बॉक्स ऑफिसवर बक्कळ कमाई केली. 1974 साली प्रदर्शित झालेल्या सिनेमाला त्या वर्षातील ऑट टाईम ब्लॉकबास्टर सिनेमा म्हणून घोषित केलं होतं. सिनेमाने भारतात 5.25 कोटींची कमाई केली.
'पूरब और पश्चिम' सिनेमाने देखील चाहत्यांचं भरभरुन मनोरंजन केलं. सिनेमाने 4 कोटी 50 लाख रुपयांची कमाई केली. 1970 मध्ये सिनेमा प्रदर्शित झाला होता. सिनेमाला स्वतः मनोज कुमार यांनी दिग्दर्शित केलं होतं. सिनेमात अभिनेत्री सायरा बानो मुख्य भूमिकेत होत्या.
1967 साली प्रदर्शित झालेल्या 'उपकार' सिनेमाने देखील चाहत्यांचं मनोरंजन केलं. सिनेमात आशा पारेख, प्रेम चोप्रा यांनी मुख्य भूमिका साकारली. सिनेमाने 3.50 कोटींची कमाई केली होती.
