PHOTO : पनवेलच्या सेंट्रल पार्कमध्ये लोकांची तोबा गर्दी, मनपाचा मात्र कानाडोळा
पनवेलमध्ये दररोज ठिकठिकाणी सोशल डिस्टन्सिंगचा फज्जा उडत आहेत. (panvel central park crowd)
पनवेलमध्ये कोरोना रुग्णांमध्ये सातत्याने वाढ होत आहे. मात्र पनवेल मनपा क्षेत्रात आओ जाओ घर तुम्हारा! असे चित्र पाहायला मिळत आहे. पनवेलमध्ये दररोज ठिकठिकाणी सोशल डिस्टन्सिंगचा फज्जा उडत आहेत.
पनवेलमधील खारघरच्या सेंट्रल पार्कमध्ये लोकांची तोबा गर्दी पाहायला मिळत आहे. मात्र पनवेल मनपा याकडे कानाडोळा करत आहे.
या सेंट्रल पार्कमध्ये दररोज हजारोंच्या संख्येने नागरिक गर्दी करत आहे. तसेच या ठिकाणचे पार्किंगसुद्धा हाऊसफुल पाहायला मिळत आहे.
पनवेल महानगरपालिका क्षेत्रात मोठ्या प्रमाणात कोविड रुग्ण आहेत. पनवेल पालिका क्षेत्रात खारघर शहरात सर्वाधिक रुग्ण आहे. तर त्यापाठोपाठ कळंबोली आणि नवीन पनवेल शहर या दोन ठिकाणांचा समावेश आहे.
पनवेलमध्ये कोरोना रुग्णांचा आकडा 1 हजाराच्यावर गेला आहे. तरीही नागरिकांकडून नियम पाळण्यात हलगर्जी होत आहे.
खारघर, कामोठे, कळंबोली, नवीन पनवेल परिसरातील रहिवासी मोठ्या संख्येने नोकरदार वर्ग आहेत. तसेच अत्यावश्यक सेवेत काम करणाऱ्यांची संख्याही मोठी आहे.
पनवेलमध्ये कोरोना रुग्णांचा आकडा 1 हजाराच्यावर गेला आहे. तरीही नागरिकांकडून नियम पाळण्यात हलगर्जी होत आहे.
मुंबई पोलीस, बेस्ट कर्मचारी, मुंबई महापालिका क्षेत्रात काम करणारे कर्मचारी, रुग्णालयात काम करणारे कर्मचारी, एसटी महामंडळ कर्मचारी हे सर्वाधिक पनवेल, नवी मुंबई या मनपा क्षेत्रात आढळतात.
त्यामुळे अनेकांना कामाच्या ठिकाणीच लागण झाल्याचे समोर आलं होतं. लॉकडाऊननंतर पुन्हा एकदा सर्व आस्थापना सुरू झाल्याने कोविड रुग्णांचा आकड्यात वाढ होत आहे.