Rohit Pawar | जामखेडच्या रुग्णालय परिसरात रोहित पवारांची स्वच्छता मोहीम
जामखेडच्या 'आरोळे हॉस्पिटलच्या आवारातील कचरा रोहित पवारांच्या नेतृत्वात साफ करण्यात आला.
कर्जत आणि जामखेड (Karjat Jamkhed) शहराने स्वच्छता सर्वेक्षणाच्या स्पर्धेत सहभाग घेतला आहे. त्यामुळे राष्ट्रवादीचे युवा आमदार रोहित पवार (Rohit Pawar) हिरीरीने मैदानात उतरले आहेत. जामखेडच्या 'आरोळे हॉस्पिटलच्या आवारातील कचरा रोहित पवारांच्या नेतृत्वात साफ करण्यात आला.
जामखेडच्या 'आरोळे हॉस्पिटल'ने कोरोना काळात मोठं योगदान दिलं. रुग्णालय प्रशासनाने बजावलेल्या कर्तव्याची जाण ठेवत रोहित पवारांसोबत जामखेडवासी स्वच्छता मोहिमेत उतरले.
'स्वच्छ सर्वेक्षणा'अंतर्गत या हॉस्पिटलमध्ये नागरिक, युवा मित्र, कार्यकर्ते, विद्यार्थी, महिला भगिनी, आरोग्य कर्मचारी यांच्यासोबत श्रमदान करुन परिसरात स्वच्छता केली, अशी माहिती रोहित पवार यांनी दिली.
आमदार रोहित पवार यांच्या मातोश्री सुनंदा पवार यांनीही 'स्वच्छ सर्वेक्षण' मोहिमेत सहभाग नोंदवला आहे. काही दिवसांपूर्वी त्यांचे फोटो सोशल मीडियावर पाहायला मिळाले होते.
जामखेड आणि कर्जत शहराने केंद्र सरकारच्या स्वच्छता परीक्षणाच्या स्पर्धेत सहभाग घेतला आहे. या स्वच्छता अभियानात दोन्ही शहरं तयारीला लागली आहेत.
स्वच्छ सर्वेक्षण स्पर्धेत शासकीय कार्यालय, अंगणवाड्या, हॉस्पिटल, हॉटेल तसेच शहरातील सर्व प्रभात यांचं मूल्यमापन होणार आहे.
