CSK vs SRH : IPL 2023 महेंद्रसिंह धोनीच्या शिरपेचात मानाचा तुरा, आता नोंदवला असा विक्रम
IPL 2023 : महेंद्ऱसिंह धोनीची आयपीएल कारकिर्द जबरदस्त राहिली आहे. या स्पर्धेतील तो सर्वात वयस्कर कर्णधार आहे. असं असताना आता त्याच्या नावावर आणखी एका विक्रमाची नोंद झाली आहे.
चेन्नई सुपर किंग्सचा कर्णधार महेंद्रसिंग धोनीने सनरायझर्स हैदराबादविरुद्धच्या सामन्यात उत्कृष्ट कामगिरी केली. एक झेल, एक रनआउट आणि एक यष्टीचीत करत त्याने विकेटच्या मागे नवा विक्रम प्रस्थापित केला आहे. (PHOTO : IPL/BCCI)
41 वर्षीय एमएस धोनी टी-20 क्रिकेटमध्ये सर्वाधिक झेल घेणारा यष्टिरक्षक झाला आहे. यापूर्वी हा विक्रम क्विंटन डीकॉकच्या नावावर होता. आता त्याला चेन्नई सुपर किंग्जच्या कर्णधाराने मागे टाकले आहे.(PHOTO : IPL/BCCI)
या सामन्यापूर्वी धोनी आणि डी कॉक एकूण 207 कॅचसह पहिल्या क्रमांकावर होते. महेश थिकशनच्या गोलंदाजीवर अॅडम मार्करामचा झेल घेत धोनीने त्याला मागे टाकलं आहे.(PHOTO : IPL/BCCI)
टी 20 क्रिकेटमध्ये एमएस धोनीने 208, क्विंटन डी कॉकने 207, दिनेश कार्तिकने 205, कामरान अकमलने 172 आणि दिनेश रामदीनने 150 झेल घेतले आहेत.(PHOTO : IPL/BCCI)
2006 साली आपला पहिल्या टी 20 सामना खेळणारा महेंद्रसिंह धोनी आतापर्यंत 356 सामने खेळला आहे. यात त्याने 208 कॅच आणि 85 यष्टीचीत केले आहेत. (PHOTO : IPL/BCCI)
