ENG vs WI : इंग्लंडच्या बेन स्टोक्सने एकाच चेंडूत शतक, द्विशतक आणि त्रिशतक झळकावलं, काय ते वाचा
इंग्लंड आणि वेस्ट इंडिज यांच्यात तीन सामन्यांची कसोटी मालिका सुरु आहे. या मालिकेतील पहिला सामना इंग्लंडने एक डाव आणि 114 धावांनी जिंकला. या विजयासह मालिकेत 1-0 ने आघाडी घेतली आहे. तसेच दिग्गज गोलंदाज जेम्स अँडरसन याला विजयी निरोप दिला आहे. दरम्यान, इंग्लंडचा कर्णधार बेन स्टोक्स याने एकाच चेंडूत तीन विक्रमाची नोंद केली आहे. चला जाणून घेऊयात काय ते
इंग्लंड वेस्ट इंडिजविरुद्ध तीन सामन्यांची कसोटी मालिका खेळत आहे. या मालिकेतील पहिल्याच सामन्यात वेस्ट इंडिजचा धुव्वा उडवला. इंग्लंडच्या भेदक गोलंदाजीपुढे वेस्ट इंडिजच्या फलंदाजांचा निभाव लागला नाही. त्यामुळे एक डाव आणि 114 धावांनी पराभूत होण्याची नामुष्की ओढावली. आता मालिकेत 1-0 ने आघाडी घेतली आहे.
इंग्लंडने या विजयासह दिग्गज वेगवान गोलंदाज जेम्स अँडरसन याला निरोप दिला आहे. गेली 21 वर्षे अँडरसन कसोटी क्रिकेट खेळत आहे आणि अनेक विक्रमांना गवसणी घातली आहे. असं असताना याच सामन्यात इंग्लंडचा कर्णधार बेन स्टोक्सने एका विक्रमाची नोंद केली आहे. शतक, द्विशतक आणि त्रिशतक पूर्ण केलं आहे.
इंग्लंडचा कर्णधार आणि अष्टपैलू बेन स्टोक्स याने या सामन्याच्या दुसऱ्या डावात दोन गडी बाद केले. त्याने पहिल्या षटकात कर्क मॅकेन्झीला बाद केले. या विकेटसह त्याने तीन शतकांची नोंद केली आहे.
बेन स्टोक्सची ही 200 वी कसोटी विकेट आहे. तर इंग्लंडच्या भूमीवर घेतलेली 100 वी विकेट ठरली आहे. या विकेटसह बेन स्टोक्सने आंतरराष्ट्रीय क्रिकेटमध्ये 300 विकेट्सचा टप्पा गाठला आहे. म्हणजेच एक विकेटसह त्याने तीन विक्रम पूर्ण केले आहेत.
बेन स्टोक्स कसोटी क्रिकेटमध्ये 6 हजार धावा आणि 200 विकेट घेणारा इंग्लंडचा पहिला आणि जगातील तिसरा खेळाडू ठरला आहे. या यादीत वेस्ट इंडिजचा गॅरी सोबर्स आणि दक्षिण अफ्रिकेचा अष्टपैलू जॅक कॅलिस यांचा समावेश आहे.
बेन स्टोक्स हा इंग्लंडसाठी आतापर्यंत 103 कसोटी सामने खेळला आहे. त्याने 200 हून अधिक विकेट्स घेतल्या आहेत. तसेच 3530 च्या सरासरीने 6320 धावा केल्या आहेत. त्यात 13 शतकांचा समावेश आहे.