इंग्लंडच्या सॉल्टने आयपीएल फ्रेंचायसींना लिलावानंतर दाखवला असा इंगा, काय केलं वाचा
इंग्लंडच्या फिल सॉल्टच्या फलंदाजीची जादू वेस्ट इंडिजविरुद्धच्या टी20 सामन्यात पाहायला मिळाली. फिल सॉल्टला आयपीएल लिलावात धक्का बसला होता. बेस प्राईस 1.5 कोटी ठेवली होती. लिलावासाठी त्याचं नावं घोषित झाल्यानंतर फ्रेंचायसींनी पाठ फिरवली. पण काही तासातच फिल सॉल्टने इंगा दाखवला.
इंग्लंडचा सलामीवीर फिल सॉल्टला आयपीएल फ्रेंचायसीनी घेण्यास नकारघंटा दिली. त्याच्या नावाची घोषणा होताच कोणीही हात वर केला नाही. त्यामुळे लिलावात अनसोल्ड अशी घोषणा करण्यात आली. पण फ्रेंचायसींना काही वेळातच पश्चातापाची वेळ आहे.
इंग्लंडचा सलामीवीर फिल सॉल्टने लिलावाच्या काही तासातच टी20 क्रिकेटमध्ये विश्वविक्रम केला. चौथ्या टी20 सामन्यात फिलची बॅट चांगलीच तळपली. त्याने 57 चेंडूत 10 उत्तुंग षटकार आणि 7 चौकारांच्या मदतीने 119 धावा केल्या.
फिल सॉल्टच्या शतकाच्या जोरावर इंग्लंडने 20 षटकात 3 गडी गमावून 267 धावा केल्या. या धावसंख्येचा पाठलाग करताना वेस्ट इंडिजचा संघ 15.3 षटकांत 192 धावांत गारद झाला. हा सामना इंग्लंडने 75 धावांनी जिंकला.
फिल सॉल्ट टी20 क्रिकेटमध्ये सलग शतकं झळकावणारा तिसरा आणि इंग्लंडचा पहिला फलंदाज आहे. याआधी सॉल्टने वेस्ट इंडिजविरुद्ध तिसऱ्या टी20 मध्ये नाबाद 109 धावांची खेळी केली होती.
फिल सॉल्ट मागच्या पर्वात दिल्ली कॅपिटल्सकडून खेळला होता. त्याने 9 डावात 163.91 च्या स्ट्राईक रेटने 218 धावा केल्या. पण यावेळी त्याला खरेदी करण्यास कोणत्याही फ्रेंचायसीने रस दाखवला नाही.
आता फिल सॉल्टने सलग दुसरं शतक झळकावत आयपीएल फ्रेंचायसीचं लक्ष वेधून घेतलं आहे. त्यामुळे आयपीएल 17 पर्वात पर्यायी खेळाडू म्हणून दाखल झाला तर आश्चर्य वाटायला नको.