IND vs ENG : शतकी खेळी करत शुबमन गिलने मोडला सेहवाग आणि युवराज सिंगचा रेकॉर्ड
दुसऱ्या डावात भारताची हवी तशी सुरुवात झाली नाही. इंग्लंडची बेझबॉल रणनिती पाहता ४०० पार धावसंख्येची गरज आहे. त्यात तिसरा दिवस असल्याने भारतीय फलंदाजांकडे संधी होती. पण रोहित-यशस्वी स्वस्तात बाद झाले. तर शुबमन गिलने शतकी खेळी करत मोर्चा सांभाळला.
दुसऱ्या कसोटीच्या दुसऱ्या डावात शुबमन गिलला अखेर सूर गवसला आहे. शुबमन गिलने शतकी खेळी करत टीम इंडियाला सन्मानजनक स्कोअर उभा करण्यास मदत केली. गिलच्या कसोटी कारकिर्दितील हे तिसरं शतक आहे.
शुबमन गिलने विशाखापट्टणममध्ये इंग्लंड विरुद्ध १४७ चेंडूत २ षटकार आणि ११ चौकारांच्या मदतीने १०४ धावा केल्या. तसेच भारताला दुसऱ्या डावात मोठी धावसंख्या उभारून देण्यात मदत केली.
शुबमन गिलने इंग्लंडविरुद्ध पहिलं शतक ठोकलं आहे. तसंच तिसऱ्या क्रमांकावर उतरत कसोटी क्रिकेटमध्ये ७ वर्षांनंतर शतक ठोकलं आहे. शुबमन गिलचं आंतरराष्ट्रीय क्रिकेटमधील हे १० वं शतक आहे.
गिलने आंतरराष्ट्रीय क्रिकेटमध्ये दहावं शतक ठोकताच विरेंद्र सेहवाग, युवराज सिंग आणि रवि शास्त्री यांचा विक्रम मोडीत काढला आहे.
भारतासाठी २४ व्या वर्षी १० आंतरराष्ट्रीय शतक ठोकलं आहे. रवि शास्त्री, सेहवाग आणि युवराजने या वयात प्रत्येकी ९ शतकं ठोकली होती. भारतासाठी २४ व्या वर्षी सर्वाधिक शतकांचा विक्रम सचिनच्या नावावर आहे.
वर्ल्ड टेस्ट चॅम्पियनशिपमध्ये गिलने दुसरं शतक ठोकलं आहे. भारताकडून रोहित शर्माने सर्वाधिक ५ शतकं, तर मयंक अग्रवालने ४ शतकं ठोकली आहेत.
