IPL 2023 : विराट कोहलीने मोडला ख्रिस गेलचा ‘तो’ रेकॉर्ड, नेमकं काय केलं ते वाचा
IPL 2023 : विराट कोहली आणि फाफ डु प्लेसिस यांनी बंगळुरु संघाला चांगली सुरुवात करून दिली. या जोडीने पहिल्या विकेटसाठी 137 धावांची भागीदारी करून 174 धावसंख्येचा भक्कम पाया रचला.
विराट कोहलीने मोहालीमध्ये पंजाब किंग्सविरुद्ध शानदार अर्धशतक झळकावून आणखी एक विक्रम प्रस्थापित केला. (Photo : BCCI/IPL)
विराट कोहलीने 47 चेंडूत 59 धावांची खेळी केली, तर फाफने 56 चेंडूत 84 धावा केल्या. बंगळुरूने 20 षटकात 4 गडी गमवून 174 धावा केल्या आणि विजयासाठी 175 धावांचं आव्हान दिलं. (Photo : BCCI/IPL)
47 चेंडूत 1 षटकार आणि 5 चौकारांसह 59 धावा करणाऱ्या विराट कोहलीने T20 क्रिकेटमध्ये सर्वाधिक अर्धशतक झळकावणाऱ्या फलंदाजांच्या यादीत दुसऱ्या स्थानावर झेप घेतली आहे. (Photo : BCCI/IPL)
वेस्ट इंडिजचा ख्रिस गेल दुसऱ्या क्रमांकावर होता. गेलने 463 टी-20 डावांमध्ये 88 अर्धशतके झळकावली होती. (Photo : BCCI/IPL)
विराट कोहलीने 366 टी-20 डावात एकूण 89 अर्धशतकं ठोकली आहेत. याद्वारे त्याने ख्रिस गेलला मागे टाकत अर्धशतकांच्या यादीत दुसरे स्थान पटकावले. (Photo : BCCI/IPL)
या यादीत डेव्हिड वॉर्नर अव्वल आहे. 347 टी-20 डाव खेळणाऱ्या वॉर्नरने एकूण 96 अर्धशतके झळकावली आहेत. आता हा विक्रम मोडण्यासाठी विराट कोहलीला फक्त 8 अर्धशतकांची गरज आहे. (Photo : BCCI/IPL)