आयपीएलमध्ये प्रति षटक 13.36 धावा देणारा दक्षिण आफ्रिकेचा वेगवान गोलंदाज अॅनरिक नॉर्ट्जे वर्ल्डकपमध्ये मात्र चमकला. भेदक गोलंदाजीने लक्ष वेधून घेतले आहे. तसेच पहिल्याच सामन्यात विश्वविक्रम नोंदवला आहे.
न्यूयॉर्कमधील नासाऊ काउंटी स्टेडियमवरट टी20 विश्वचषकाच्या तिसरा सामना श्रीलंका आणि दक्षिण आफ्रिका यांच्यात झाला. या सामन्यात अॅनरिक नॉर्ट्जेने 4 षटकात केवळ 7 धावा दिल्या आणि 4 बळी घेतले.
अॅनरिक नॉर्ट्जेने चार विकेट्ससह टी20 विश्वचषकात अनेक विक्रमही आपल्या नावावर केले आहेत. टी20 विश्वचषकात अवघ्या 7 धावांत 4 बळी घेणारा दक्षिण आफ्रिकेचा गोलंदाज ठरला. विशेष म्हणजे याआधी हा रेकॉर्ड अॅनरिक नॉर्ट्जेच्या नावावर होता. त्याने 2021 मध्ये 10 धावा आणि 4 विकेट घेतले होते.
अॅनरिक नॉर्ट्जेने 4 विकेट्ससह तिसऱ्यांदा टी20 वर्ल्ड कपमध्ये 4 विकेट्स घेतल्या आहेत. ही कामगिरी करणारा जगातील पहिला वेगवान गोलंदाजही ठरला आहे. याआधी केवळ मॉर्नी मॉर्केल आणि मुस्तफिजुर रहमान आणि उमर गुल यांनी तीनवेळा 4 बळी घेत उत्कृष्ट कामगिरी केली होती. आता अॅनरिक नॉर्ट्जेने चौथ्यांदा 4 बळी घेत नवा विक्रम प्रस्थापित केला आहे.
अॅनरिक नॉर्ट्जे टी20 विश्वचषकात 4 षटकात सर्वात कमी धावा देणारा गोलंदाजही ठरला आहे. याआधी श्रीलंकेच्या अजंता मेंडिस, वनिंदू हसरंगा आणि बांगलादेशच्या महमुदुल्लाह यांनी 4 षटकांत 8 धावा देत हा विक्रम नावावर केला होता.
अॅनरिक नॉर्ट्जेने 4 षटकात 18 डॉट बॉल टाकून फक्त 7 धावा दिल्या आहेत. 18 डॉट बॉल टाकत 4 विकेट घेत टी20 क्रिकेटमध्ये नवा विश्वविक्रम रचला आहे.