अफगाणिस्तानच्या टीमची घोषणा, 5 खेळाडू बाहेर, नाराजी वाढणार?
टी-20 विश्वचषकासाठी अफगाणिस्तानच्या टीमची घोषणा करण्यात आली आहे. यात कुणाला संधी मिळालीय जाणून घ्या....
अफगाणिस्ताननं टी-20 विश्वचषकासाठी आपला संघ जाहीर केला आहे. कर्णधारपद पुन्हा एकदा मोहम्मद नबीच्या हातात आहे. याच्या नेतृत्वाखाली अफगाणिस्तान संघ आशिया कपच्या सुपर-4 फेरीत एकही सामना जिंकू शकला नाही.
दरविश रसुली, कायस अहमद, सलीम सैफी यांना टी-20 विश्वचषक संघात स्थान मिळाले आहे. दुसरीकडे अधिकारी झाझई, शराफुद्दीन अश्रफ, रहमत शाह आणि गुलबदिन नायब यांना राखीव खेळाडूंमध्ये ठेवण्यात आलंय.
अफगाणिस्तानच्या बोर्डानं आशिया कप खेळण्यासाठी गेलेल्या संघातून पाच खेळाडूंना वगळले आहे. समिउल्ला शेनवारी, हशमतुल्ला शाहिदी, अफसर झझाई, करीम जनात आणि नूर अहमद यांची टी-20 विश्वचषक संघात निवड झाली नाही.
T20 विश्वचषक संघ: मोहम्मद नबी (c), नजीबुल्लाह जद्रान (vc), रहमानउल्ला गुरबाज (wk), अजमातुल्ला उमरझाई, दरविश रसूल, फरीद अहमद मलिक, फजल हक फारुकी, हजरतुल्ला झाझाई, इब्राहिम झदरन, मुजीब उर रहमान, नवीन उल हक , कैस अहमद, राशिद खान, सलीम साफी, उस्मान गनी हे खेळाडू आहेत. तर राखीवमध्ये अफसर झझाई, शराफुद्दीन अश्रफ, रहमत शाह, गुलबदिन नायब यांचा समावेश आहे. अफगाणिस्तानचा संघ टी-20 वर्ल्ड कप 2022च्या ग्रुप 1 मध्ये आहे. अफगाणिस्तानचा पहिला सामना 22 ऑक्टोबरला इंग्लंड संघासोबत आहे.
