World Cup : भारताने पराभूत केल्यानंतर पाकिस्तान संघाला धसका, ऑस्ट्रेलिया विरुद्धच्या सामन्यापूर्वी टेन्शन वाढलं
वनडे वर्ल्डकप स्पर्धेत पाकिस्तानने चांगली सुरुवात केली होती. पहिल्या दोन सामन्यात विजय मिळवला होता. पण भारताने पराभूत करताच पूर्ण गणितच बिघडून गेलं आहे. ऑस्ट्रेलिया विरुद्धच्या सामन्यापूर्वी आता बाबर आझमचं टेन्शन वाढलं आहे.
वर्ल्डकप 2023 स्पर्धेत भारताने पाकिस्तानचा 7 गडी राखून पराभव केला. या पराभवानंतर पाकिस्तानचं सर्व गणितच बिघडून गेलं आहे. आता पाकिस्तानी संघावर वायरल फिव्हरने अटॅक केला आहे. त्यामुळे पाकिस्तान संघाचं टेन्शन वाढलं आहे. (Photo : Twitter)
पाकिस्तानचा चौथा सामना ऑस्ट्रेलियाशी होणार आहे. या सामन्यात दोन्ही संघांना विजय महत्त्वाचा आहे. पराभव झाल्यास उपांत्य फेरीचं गणित बिघडून जाणार आहे. (Photo : Twitter)
ऑस्ट्रेलियाशी दोन हात करण्यासाठी पाकिस्तानचा संघ बंगळुरुत पोहोचला आहे. पण सराव करण्यापूर्वीच काही खेळाडूंना वायरल फिवर झाला आहे. काही खेळाडू बरे झाले आहेत. पण काही खेळाडू अजून तापाने फणफणलेत. (Photo : Twitter)
कर्णधार बाबर आझम आणि वेगवान गोलंदाज शाहीन आफ्रिदी बरे झाले आहेत. तसेच काही खेळाडूंना आरामाची गरज आहे. वातावरण बदलाचा फटका पाकिस्तान संघाला बसला आहे. (Photo : Twitter)
पाकिस्तान आणि ऑस्ट्रेलिया यांच्या 20 ऑक्टोबरला होणार आहे. पाकिस्तानने 3 पैकी 2 सामन्यात विजय मिळवला आहे. तर भारताकडून पराभव स्वीकारावा लागला आहे. (Photo : Twitter)
गुणतालिकेत पाकिस्तानचा संघ चौथ्या स्थानावर आहे. उपांत्य फेरी गाठण्यासाठी टॉप 4 संघात राहणं आवश्यक आहे. अन्यथा साखळी फेरीतच गाशा गुंडाळावा लागेल. (Photo : Twitter)
