Vinayak Mete: “तीन तारखेलाही घातपाताचा प्रयत्न झाला, 2 गाड्यांनी मेटेंचा पाठलाग केला, आताही तीच शक्यता”
याआधीही मेटेसाहेबांच्या घातपाताचा प्रयत्न झालाय. ...तर आताही घातपात झालेला असु शकतो, शिवसंग्रामच्या नेत्याची प्रतिक्रिया...
मुंबई : शिवसंग्रामचे अध्यक्ष विनायक मेटे (Vinayak Mete) यांचं परवा म्हणजे 14 ऑगस्टला अपघाती निधन झालं. पण त्यांच्या गाडीसोबत घडलेली घटना हा अपघात आहे की घातपात आहे? अशी शंका उपस्थित केली जात आहे. अश्यात आता शिवसंग्रामच्या (Shivsangram) बीडच्या पदाधिकाऱ्यांनी नवा खुलासा केला आहे. याआधीही त्यांच्यासोबत घातपाताचा प्रयत्न करणयात आला होता, असं शिवसंग्रामचे नेते अण्णासाहेब वायकर यांनी सांगितलं. तीन ऑगस्टला बीडहून पुण्याला जात असताना शिक्रापुरच्या आसपास दोन गाड्यांनी पाठलाग केला. आयशर गाडीने हा पाठलाग केला. तेव्हा मी त्यांच्यासोबत होतो. तेव्हा ही गाडी आपला वारंवार पाठलाग करत असल्याचं मी मेटेसाहेबांना सांगितलं. पण ड्रायव्हर नशेत असेल म्हणून तो वारंवार पाठलाग करत असेल, असं ते म्हणाले. त्यामुळे आम्ही शांत बसलो. पण आता जो अपघात झाला त्यातही जर आयशर गाडी असेल आणि तीन तारखेला पाठलाग केलेलीच गाडी असेल, तर हा घातपातट आहे,आम्ही शांत बसणार नाही, असंही ते म्हणालेत.
अपघाती निधन
विनायक मेटे यांच्या 14 ऑगस्टला पहाटे साडेपाच वाजेच्या सुमारास मुंबई- पुणे एक्सप्रेस हायवेवर त्यांच्या गाडीला अपघात झाला. मराठा समन्वय समितीची बैठक होती. त्यासाठी ते मुंबईकडे येत होते. पण मुंबईत पोहोचण्याआधीच त्यांच्या गाडीचा खोपली इथल्या बातम बोगद्याजवळ अपघात झाला. त्यात ते गंभीररित्या जखमी झाले. उपचारासाठी त्यांना एमजीएम रुग्णालयात दाखल करण्यात आलं. पण उपचारादरम्यान त्यांचं निधन झालं.
तीन तारखेलाही घातपाताचा प्रयत्न
“तीन ऑगस्टला बीडहून पुण्याला जात असताना शिक्रापुरच्या आसपास दोन गाड्यांनी पाठलाग केला. आयशर गाडीने हा पाठलाग केला. तेव्हा मी त्यांच्यासोबत होतो. तेव्हा ही गाडी आपला वारंवार पाठलाग करत असल्याचं मी मेटेसाहेबांना सांगितलं. पण ड्रायव्हर नशेत असेल म्हणून तो वारंवार पाठलाग करत असेल, असं ते म्हणाले. त्यामुळे आम्ही शांत बसलो. पण आता जो अपघात झाला त्यातही जर आयशर गाडी असेल आणि तीन तारखेला पाठलाग केलेलीच गाडी असेल, तर हा घातपातट आहे,आम्ही शांत बसणार नाही”, असंही ते म्हणालेत.
