Smriti Irani : स्मृती इराणींच्या मुलीच्या रेस्टॉरंटमध्ये बीफ? प्रकरण पेटलं, काँग्रेसकडून तात्काळ राजीनाम्याची मागणी

स्मृती इराणींच्या मुलीच्या रेस्टॉरंटमध्ये बीफ? प्रकरण पेटलं, काँग्रेसकडून तात्काळ राजीनाम्याची मागणी

पुणे : केंद्रीय मंत्री स्मृती इराणी (Smriti Irani) यांची मुलगी गोव्यात (Goa Restauran Beef) बेकायदेशीरपणे रेस्टॉरंट चालवत असल्याचा दावा काँग्रेस पक्षाने (Congress) केला आहे, त्यानंतर काँग्रेसने असा आरोप केला की जोश इराणींच्या तथाकथित रेस्टॉरंट सिली सोलमध्ये गोमांस आणि डुकराचे मांसही मिळते. स्मृती इराणी म्हणाल्या की त्यांची मुलगी अवघी 18 वर्षांची आहे आणि ती महाविद्यालयीन विद्यार्थिनी आहे, तिचा रेस्टॉरंट आणि बारशी काहीही संबंध नाही. या आरोपांविरोधात इराणी यांनी आरोप करणाऱ्या काँग्रेस नेत्यांना नोटिसाही पाठवल्या आहेत. केंद्रीय मंत्री स्मृती इराणी यांच्या मुलीवर हॉटेलवर झालेल्या कथित आरोपांचा मुद्दा शांत होण्याचे नाव घेत नाहीये. गोव्यात गोमांसावर बंदी नसली तरी काँग्रेसचे नेते हा मुद्दा उपस्थित करत आहेत. हॉटेलचा एक कथित मेनू सोशल मीडियावर शेअर केला जात आहे, ज्यामध्ये बीफ डिश सर्व्ह करण्याबाबत माहिती देण्यात आली आहे. यावरून राज्यातही काँग्रेसच्या महिला नेत्यांकडून आंदोलनं करण्यात आली आहेत.

स्मृती इराणींच्या राजीनाम्याची काँग्रेसकडून मागणी

केंद्रीयमंत्री स्मृती इराणींच्या विरोधात पुण्यात आज काँग्रेसच्या महिला आघाडीच्यावतीने आंदोलन करण्यात आले. स्मृती इराणी यांच्या मुलीचा गोव्यात बार असून त्या बारमध्ये बीफ ठेवण्यात आलंय, मात्र माझी मुलगी 18 वर्षांची आहे आणि ती कॉलेज करतेय असं सांगून स्मृती इराणी या खोटं बोलत आहेत, असा आरोप काँग्रेसच्या महिला आघाडीने केलाय, यामुळे स्मृती इराणी यांनी तात्काळ राजीनामा द्यावा अशी मागणी काँग्रेसकडून करण्यात आलीय.

केआरकेनेही डिवचलं

अभिनेता आणि चित्रपट समीक्षक केआरकेनेही याबाबत ट्विट केले आणि लिहिले – हे काय आहे? इराणीच्या कॅफेमध्ये डुकराचे मांस आणि गोमांस उपलब्ध? भक्तांना बुडून जीव देण्याचे दिवस आले आहेत, मात्र आत्ता केआरकेच्या ट्विटचा शोध घेतल्यास ते सोशल मीडियावर आढळून येत नाही. तसेच त्याच्या ट्विटर अकाऊंटवरही ते दिसत नाही.

काँग्रेसची सोशल मीडियावरुनही टीका

त्याच वेळी युवक काँग्रेसने लिहिले आहे की गोव्याच्या नॅशनल सिली सोलमध्ये डुकरासह बीफ देखील भक्तांसाठी उपलब्ध आहे. जोश इराणीच्या रेस्टॉरंटचे मेन्यू कार्ड सांगून इंटरनेटवर जे शेअर केले जात आहे ते सिली सोलचे नाही. उलट ते गोव्यातील रॅडिसन ब्लू रिसॉर्टचे आहे. ezydiner.com ला भेट देऊन तुम्ही ते स्वतः तपासू शकता. Radisson Blu ने नवीन मेनू देखील अपडेट केला आहे ज्यामध्ये बीफ काढून टाकण्यात आले आहे.