“अजित पवारांना अर्थमंत्री असल्याचा विसर, मुख्यमंत्र्यांना सांगा लॉकडाऊन परवडणार नाही”
कोरोना हाताळण्याची सिस्टम दर्जेदार करा पण नोकरी धंद्यांचे नुकसान होता कामा नये. महाराष्ट्राची वाट लावू नका." असे ट्वीट नीलेश राणे यांनी केले आहे. (Nilesh Rane taunts Ajit Pawar)
मुंबई : अजित पवार (Ajit Pawar) यांनी अर्थमंत्री म्हणून मुख्यमंत्री उद्धव ठाकरे (CM Uddhav Thackeray) यांना स्वतःहून सांगितलं पाहिजे की लॉकडाऊन (Corona Lockdown) हे महाराष्ट्राला परवडणार नाही, अशा शब्दात भाजप नेते नीलेश राणे (Nilesh Rane) यांनी उपमुख्यमंत्री अजित पवार यांचा समाचार घेतला. महाराष्ट्राची वाट लावू नका, असा इशाराही नीलेश राणेंनी दिला. (BJP leader Nilesh Rane taunts Ajit Pawar asks him to tell CM Uddhav Thackeray Lockdown is not an option)
“अजित पवार विसरलेत की ते नुसते उपमुख्यमंत्री नाही अर्थमंत्री सुद्धा आहेत. त्यांनी मुख्यमंत्र्यांना स्वतःहून सांगितलं पाहिजे की लॉकडाऊन हे महाराष्ट्राला परवडणार नाही. कोरोना हाताळण्याची सिस्टम दर्जेदार करा पण नोकरी धंद्यांचे नुकसान होता कामा नये. महाराष्ट्राची वाट लावू नका.” असे ट्वीट नीलेश राणे यांनी केले आहे.
नीलेश राणे यांचे ट्वीट काय?
अजित पवार विसरलेत की ते नुसते उपमुख्यमंत्री नाही अर्थमंत्री सुद्धा आहेत. त्यांनी मुख्यमंत्र्यांना स्वतःहून सांगितलं पाहिजे की लॉकडाऊन हे महाराष्ट्राला परवडणार नाही. कोरोना हाताळण्याची सिस्टम दर्जेदार करा पण नोकरी धंद्यांचे नुकसान होता कामा नये. महाराष्ट्राची वाट लावू नका.
— Nilesh N Rane (@meNeeleshNRane) March 29, 2021
लॉकडाऊनबाबत नियोजन करण्याचे निर्देश
राज्यातील कोविड रुग्णांच्या संख्येत दिवसेंदिवस झपाट्याने होणाऱ्या वाढीमुळे बेड्स, व इतर आरोग्य सुविधा अपुऱ्या पडू लागल्याचे चित्र आहे. रविवारी झालेल्या टास्क फोर्सच्या बैठकीत लॉकडाऊनसारखे अतिशय कडक निर्बंध त्वरित लावण्यात यावेत, अशा सूचना देण्यात आल्या. अतिशय कठोरपणे नियमांचे पालन करावे अन्यथा लॉकडाऊन करावं लागेल असे समजून धान्य पुरवठा, औषधी, अत्यावश्यक सेवा, वैद्यकीय सुविधा यांचे नियोजन करण्याचे निर्देश त्यांनी मुख्य सचिवांना दिले.
मुख्यमंत्री उद्धव ठाकरे, आरोग्यमंत्री डॉ राजेश टोपे तसेच मुख्य सचिव सीताराम कुंटे, टास्क फोर्स डॉक्टर्स व प्रशासनातील वरिष्ठ अधिकाऱ्यांनी निर्बंध आणि नियमांचे कडक पालन होणार नसेल तर येत्या काही दिवसांत संपूर्ण लॉकडाऊन लावून संसर्ग थोपवावा यावर चर्चा केली. यावेळी मुख्यमंत्र्यांनी मंत्रालयातील तसेच शासकीय व निमशासकीय कार्यालयांतील अभ्यागतांना पूर्ण प्रवेशबंदी घालावी तसेच खासगी कार्यालये व आस्थापना 50 टक्के कर्मचारी संख्येचे निर्बंध पाळत नसतील तर लॉकडाऊनची तयारी करावी अशा स्पष्ट सूचना बैठकीत दिल्या.
संबंधित बातम्या :
अखेर मुख्यमंत्र्यांचा आदेश, लॉकडाऊनबाबत नियोजन करण्याचे निर्देश
महाराष्ट्रात काही भागांत कडक लॉकडाऊन होणार, मुख्यमंत्री उद्धव ठाकरे यांनी दिले स्पष्ट संकेत
(BJP leader Nilesh Rane taunts Ajit Pawar asks him to tell CM Uddhav Thackeray Lockdown is not an option)