BMC election 2022 Ward No 121 S : शिवसेनेचा वरचष्मा राहणार की भाजपची नवी खेळी सरस ठरणार? वाचा वॉर्ड क्र. 121 मध्ये कोण धुरळा उडवणार ?

बीएमसी निवडणूक

Image Credit source: tv9

मुंबई : बृहन्मुंबई महापालिकेचा निवडणूक कार्यक्रम जाहीर झाला आहे. मुंबई शहर आणि उपनगरांतील सर्वच प्रभागांमध्ये सगळे राजकीय पक्ष (Political Party) जोरदार तयारीला लागले आहेत. राज्यातील विधानसभा निवडणुकीत राजकीय समीकरणे पूर्णपणे बदलली आहेत. त्या पार्श्वभूमीवर यावेळची निवडणूक (Election) अत्यंत रंगतदार होण्याची चिन्हे आहेत. राज्यातील सत्तेत शिवसेनेचे मुख्यमंत्री उद्धव ठाकरे आहेत, तर महापालिकेत आतापर्यंत शिवसेनेची सत्ता होती. शिवसेनेला पालिकेच्या सत्तेतून दूर करण्यासाठी विरोधी बाकावरील भाजपचे जोरदार प्रयत्न सुरू आहेत. पालिकेच्या सर्वच प्रभागांत तगडा उमेदवार (Candidate) देऊन शिवसेनेचा पत्ता कट करण्याचा चंग बांधला आहे. वॉर्ड क्रमांक 121 मध्येही सध्या शिवसेनेच्या नगरसेविका चंद्रावती शिवाजी मोरे या प्रतिनिधीत्व करीत होत्या. मराठी बहुल असलेल्या या मतदारसंघात शिवसेनेचा गड शाबूत राहण्याची शक्यता आहे. पण भाजपने तगडा उमेदवार उभा केला तरच शिवसेनेला बालेकिल्ल्यात पराभूत करण्याची किमया भाजप करू शकेल, असे चित्र आहे.

मतांची गोळाबेरीज

वॉर्ड क्रमांक 121 मध्ये एकूण मतदारांची संख्या 58633 इतकी आहे. यात अनुसूचित जाती (एससी) प्रवर्गातील मतदारांची संख्या 10945 च्या घरात आहेत. तसेच अनुसूचित जमाती (एसटी) मतदारांची संख्या 408 इतकी आहे. अनुसूचित जातीच्या मतदारांचा कौल इथल्या निकालाचे चित्र पालटू शकते. त्यामुळे शिवसेनेसह इतर पक्षांच्या उमेदवारांना विजयी होण्यासाठी एससी मतदारांना झुकते माप द्यावे लागणार आहे.

महापालिका निवडणूक निकाल 2017 पक्षनिहाय (bmc election result 2017 winner)

मागच्या निवडणुकीतील निकालाचे चित्र

2017 च्या सार्वत्रिक निवडणुकीत शिवसेनेच्या चंद्रावती शिवाजी मोरे विजयी झाल्या. त्यांना सर्वाधिक 4769 मते मिळाली होती. त्यावेळी अनुसूचित जातीच्या महिलांसाठी जागा राखीव होती. त्या निवडणुकीत आरपीआयच्या (ए) जगदेवी रतनदिप बनसोडे यांना 334 मते, बहुजन मुक्ती पार्टीच्या प्रतिमा राजीव वीर यांना 153 मते, बहुजन समाज पार्टीच्या सुषमा प्रकाश बिऱ्हाडे यांना 1158 मते, ऑल इंडिया मजलिस इत्तेहदूल मुस्लिमीनच्या वर्षा कारभारी दवंडे यांना 492 मते, अपक्ष उमेदवार प्रज्ञा सुखदेव गायकवाड यांना 1417 मते, संभाजी ब्रिगेडच्या दीपिका विजय जाधव यांना 266 मते, काँग्रेसच्या अनम शेरजादा खान यांना 2010 मते, अपक्ष उमेदवार इंदू दामोदर पाईकराव यांना 191 मते, राष्ट्रवादीच्या हेमलता प्रशांत पालवणकर यांना 212 मते, मनसेच्या वैशाली सचिन सकटे यांना 2274 मते, भारिप बहुजन महासंघाच्या वंदना संतोष सोनावणे यांना 300 मते तसेच अपक्ष उमेदवार ज्योत्स्ना विजय सोरटे यांना 27 मते मिळाली. त्याचबरोबर नोटाची 324 मते पडली. मतविभाजनाचा मोठा फायदा शिवसेनेला झाला होता.

वॉर्डमध्ये कोणकोणत्या ठिकाणांचा समावेश होतो?

वॉर्ड क्रमांक 121 मधील मतदारसंघात मतदार कमी असले तरी या प्रभागाचा विस्तार मोठा आहे. यामध्ये तुलनेत झोपडपट्टी वस्ती अधिक आहे. आयआयटी पवई, पासपोली, मयुर नगर, पवई तलाव, मोरारजी नगर या विभागांचा वॉर्ड क्रमांक 121 मध्ये समावेश होतो. झोपडपट्टी वस्त्यांमधील अनेक समस्या जैसे थे आहेत. त्याचा फायदा भाजप नवी खेळी करून उठवते की शिवसेना पक्ष आपले वर्चस्व कायम राखतोय, हे पाहणे औत्सुक्याचे ठरणार आहे.

एकूण मतदार – 58633
एससी – 10945
एसटी – 408