Dhananjay Munde : धनंजय मुंडे पुन्हा म्हणाले “मुख्यमंत्री राष्ट्रवादीचाच”, तर नाना पटोले म्हणतात काहींना दिवसा स्पप्न पडतात…
राष्ट्रवादी, शिवसेनेना आणि काँग्रेसने अडीच वर्षापूर्वी सरकार स्थापन केलं. तेव्हापासून महाविकास आघाडीतील धुसफूस अनेकदा बाहेर आली आहे. गृहमंत्रिपदावरूनही चांगल्याच चर्चा रंगल्याच्या आपण पाहिल्या. मात्र आता थेट मुख्यमंत्रिपदावरूनच रेस लागली आहे. कारण आज धनंजय मुंडे यांनी पुढचा मुख्यमंत्री राष्ट्रवादीचाच होईल म्हणत आपल्या वक्तव्याचा पुनरोच्चार केलाय.
बीड : काही दिवसांपूर्वीच सुप्रिया सुळेंनी (Supriya Sule) राष्ट्रवादीचा मुख्यमंत्री (Chief Minster) व्हावा, यासाठी तुळजाभवानीला केलेला नवस हा बराच गाजला होता. त्यानंतर धनजंय मुंडे (Dhananjay Munde) यांनीही पुढचा मुख्यमंत्री राष्ट्रवादीचाच अशी हाक दिली. तर दुसरीकडे शिवसेना खासदार संजय राऊत रोज बोलत असतात की पुढचे 25 वर्षे मुख्यमंत्री हा शिवसेनेचाच राहणार, त्यामुळे राज्यातली जनताही आता चांगलीच संभ्रमात पडायला लागली. कारण जे पुढच्या मुख्यमंत्रीपदाचा दावा करत आहेत. तेच आता सरकारमध्ये एकत्र आहेत. राष्ट्रवादी, शिवसेनेना आणि काँग्रेसने अडीच वर्षापूर्वी सरकार स्थापन केलं. तेव्हापासून महाविकास आघाडीतील धुसफूस अनेकदा बाहेर आली आहे. गृहमंत्रिपदावरूनही चांगल्याच चर्चा रंगल्याच्या आपण पाहिल्या. मात्र आता थेट मुख्यमंत्रिपदावरूनच रेस लागली आहे. कारण आज धनंजय मुंडे यांनी पुढचा मुख्यमंत्री राष्ट्रवादीचाच होईल म्हणत आपल्या वक्तव्याचा पुनरोच्चार केलाय.
धनंजय मुंडे पुन्हा काय म्हणाले?
मुख्यमंत्रिपदाबाबतच्या आधीच्या वक्तव्यांबाबत बोलताना धनंजय मुंडे म्हणाले, लहान अपेक्षा कार्यकर्त्यांसमोर आम्ही वक्तव्य करत नाही. पक्ष वाढीची ज्या ज्या वेळेस चर्चा होते. त्यावेळेस कार्यकर्त्यानासमोर पक्ष ज्या वेळेस एक नंबरचा पक्ष होईल, त्यावेळेस मुख्यमंत्री राष्ट्रवादीचा असेल, असे धनंजय मुंडे हे पुन्हा म्हणाले आहेत.