Nasik NMC Election 2022 Ward 25 : प्रभाग रचनेचा बदल कुणाचे भाग्य बदलणार? शिवसेनेचा बालेकिल्ला भाजप भेदणार का?; जाणून घ्या प्रभागाची सद्यस्थिती

नाशिक महापालिका

Image Credit source: TV9

नाशिक : मुंबई, पुण्याप्रमाणेच नाशिक महापालिके (Nashik Municipal Corporation)ची निवडणूकही राज्याच्या राजकीय वर्तुळात अधिक लक्षवेधी ठरणार आहे. या निवडणुकीत सत्ताधारी भाजप (BJP) आणि शिवसेना (Shivsena) या दोन पक्षांमध्ये जोरदार रस्सीखेच पाहायला मिळणार आहे. यापूर्वी 31 प्रभाग होते, यंदाच्या सार्वत्रिक निवडणुकीत प्रभागांची संख्या वाढली असून ती आता 44 झाली आहे. त्यामुळे असुरक्षित वाटणाऱ्या मतदारसंघात दिग्गज उमेदवार रिंगणात उतरवून आपल्या पक्षाचे पारडे जड ठेवण्याचा प्रयत्न सत्ताधारी भाजप आणि विरोधी बाकावरील शिवसेनेकडून जात आहे. प्रभाग क्रमांक 25 मध्ये मागील अर्थात 2017 च्या सार्वत्रिक निवडणुकीत शिवसेनेने आपले वर्चस्व अबाधित राखले होते. यंदा नव्या प्रभाग रचनेनुसार प्रभागातील काही भाग विभागले गेले असून त्यांचा दुसऱ्या प्रभागात समावेश झाला आहे. नव्या त्रिसदस्यीय प्रभाग रचनेत 133 जागा असणार आहेत. प्रारूप प्रभाग रचनेत अनेक बदल झाले असल्यामुळे आधीपासूनच निवडणुकीची तयारी करणाऱ्या नवोदित उमेदवारांना झटका बसला आहे. त्यामुळे पालिकेच्या निवडणुकीत राजकीय समीकरणेही बदललेली दिसणार आहेत. त्या पार्श्वभूमीवर या प्रभागातून कोण बाजी मारणार? शिवसेना की महापालिकेतील विद्यमान सत्ताधारी भाजप? याकडे सर्वांचे लक्ष लागले आहे.

प्रभागाची लोकसंख्या (जयभवानी रोड परिसर, फर्नांडिस वाडी, जेतवन नगर)

एकूण लोकसंख्या – 30869
अनुसूचित जाती – 5054
अनुसूचित जमाती – 822

प्रभागात कुठे कोणते आरक्षण आहे?

महापालिकेच्या निवडणुकीचे पडघम वाजू लागल्यानंतर अलीकडेच या निवडणुकीसाठी आरक्षण सोडत जाहीर झाली आहे. त्यानुसार जाहीर झालेले आरक्षण पुढीलप्रमाणे –

25 अ – अनुसूचित जाती
25 ब – सर्वसाधारण महिला
25 क – सर्वसाधारण खुला

प्रभागाची व्याप्ती कोठून कुठपर्यंत?

नव्या प्रभाग रचनेनुसार प्रभाग क्रमांक 25 मध्ये अश्विन कॉलनी, जेतवन नगर, मनोहर गार्डन, फर्नांडिस वाडी, मुक्तिधाम मंदिर, गायखे कॉलनी, घाडगे नगर, बिटको कॉलेज या प्रमुख भागांचा समावेश होतो.

2017 च्या सार्वत्रिक निवडणुकीत काय चित्र होते?

प्रभाग क्रमांक 25 मध्ये 2017 च्या सार्वत्रिक निवडणुकीत चारही जागांवर शिवसेनेचे उमेदवार विजयी झाले होते. अ वॉर्डमधून शिवसेनेचे ज्येष्ठ नगरसेवक सुधाकर बडगुजर, ब वॉर्डमधून त्यांच्या पत्नी हर्षा बडगुजर, क वॉर्डमधून शामकुमार साबळे आणि ड वॉर्डमधून चारूशीला गायकवाड यांनी विजय मिळवला होता. नव्या प्रभागरचनेनुसार या प्रभागातील जवळपास 80 टक्के भाग हा नवीन प्रभाग क्रमांक 31 मध्ये समाविष्ट झाला आहे. या नव्या बदलाचा फायदा घेत भाजपकडून शिवसनेच्या बालेकिल्ल्याला धक्का दिला जातोय का? हे पाहणे औत्सुक्याचे ठरणार आहे. (elections maharashtra municipal corporation election nmc nashik ward 25)