मविआच्या ‘या’ आमदाराकडेही रेमडेसिवीरचा साठा, पण वाटप करत नाही, मनसेचा गंभीर आरोप
मनसेचे युवानेते अखिल चित्रे यांनी काँग्रेसचे आमदार झिशान सिद्दीकी यांच्याकडे रेमडेसिवीर इंजेक्शनचा साठा आहे, पण ते त्याचं वाटप करत नसल्याचा गंभीर आरोप केलाय.
मुंबई : महाराष्ट्रात वाढत्या कोरोना रुग्णांसोबतच त्यावर उपचारात महत्त्वाच्या मानल्या जाणाऱ्या रेमडिसिवीर इंजेक्शनवरुन (Remedisivir injection) चांगलंच वातावरण तापलंय. मनसेचे युवानेते अखिल चित्रे यांनी काँग्रेसचे आमदार झिशान सिद्दीकी यांच्याकडे रेमडेसिवीर इंजेक्शनचा साठा आहे, पण ते त्याचं वाटप करत नसल्याचा गंभीर आरोप केलाय. तसेच या प्रकरणावरही राष्ट्रवादी काँग्रेसचे प्रवक्ते नवाब मलिक यांनी बोलावं, असं आव्हान चित्रे यांनी दिलंय. जनतेचा जीव महत्त्वाचा आहे. कोरोनाग्रस्त रुग्णांना रेमडेसिवीर इंजेक्शन मिळणं महत्त्वाचं आहे. तुमचं राजकारण बंद करा, असंही मत अखिल चित्रे यांनी व्यक्त केलं (MNS leader Akhil Chitre criticize MVA and Nawab Malik over Remdisivir injection shortage).
अखिल चित्रे म्हणाले, “रेमडेसिवीरचा साठा तर आपल्या मविआ आमदार झिशान सिद्दीकी याच्याकडे सुद्धा आहे, पण ते वाटप करत आहेत. नवाब मलिक यांनी याबाबत पण जरा बोलावं. तुमचं राजकारण बंद करा. जनतेचा जीव महत्त्वाचा आहे. कोरोनाग्रस्त रुग्णांना रेमडेसिवीर (Remdisivir) उपलब्ध होणे गरजेचे आहे.”
रेमडेसिवीर चा साठा तर आपल्या मविआ आमदारांकडे सुद्धा आहे @zeeshan_iyc पण वाटप करत आहेत @nawabmalikncp ह्या बाबत पण जरा बोला.
तुमचे राजकारण बंद करा जनतेचा जीव महत्त्वाचा आहे. कोरोना ग्रस्त रूग्णांना #Remedisivir उपलब्ध होणे गरजेचे.— Akhil Chitre अखिल चित्रे (@akhil1485) April 18, 2021
महाराष्ट्राला रेमडेसिवीर विकू नका, केंद्राची कंपन्यांना धमकी; नवाब मलिक यांचा गंभीर आरोप
महाराष्ट्राला रेमडेसिवीर विकू नका, नाही तर कारवाई केली जाईल, अशी धमकी केंद्राने औषध विक्रेत्या कंपन्याना दिल्याचा गंभीर आरोप नवाब मलिक यांनी केला होता. मलिक यांच्या आरोपामुळे एकच खळबळ उडाली आहे. केंद्र सरकारकडून रेमडेसिवीर निर्यातीवर बंदी घातली गेल्याने भारतातील 16 निर्यातदारांना स्वतःकडे असलेल्या 20 लाख रेमडेसिवीरचे इंजेक्शन विकायला परवानगी मिळत नाहीये. केंद्र सरकार त्यास नकार देत आहेत, असा आरोप मलिक यांनी केलाय.
परवाना रद्द करणार
दरम्यान राज्य सरकारने 16 निर्यात कंपन्यांकडे रेमडेसिवीरबाबत विचारणा केली असता केंद्रसरकारने महाराष्ट्रात रेमडेसिवीर औषध पुरवठा करण्यास बंदी घातली आहे. जर आम्ही हे रेमडेसिवीर दिल्यास परवाना रद्द करण्याची धमकी दिली आहे, अशी धक्कादायक माहिती या कंपन्यांनी दिली असून हे खेदजनक आणि धक्कादायक असल्याचं मलिक यांनी म्हटलं आहे.
तर साठा ताब्यात घेऊ
कोरोनाचा वाढता प्रार्दुभाव लक्षात घेता रेमडेसिवीरची कमतरता भासू लागली असतानाच ही धक्कादायक माहिती समोर आली आहे. त्यामुळे आता या परिस्थितीत महाराष्ट्र सरकारकडे या 16 निर्यातदारांकडून रेमडेसिवीरचा साठा ताब्यात घेऊन गरजूंना पुरवण्याशिवाय पर्याय राहणार नाही, असा इशाराही त्यांनी दिला आहे.
हेही वाचा :
‘रेमडेसिव्हीर’चा पुरवठा सुरळीत करण्यासाठी आता जिल्हा स्तरावर कंट्रोल रुम, सरकारना महत्वाचा निर्णय
रेमडेसिवीरची साठेबाजी करणाऱ्याचे फडणवीसांनी वकीलपत्रं घेतलं काय?; नवाब मलिक यांचा सवाल
व्हिडीओ पाहा :
