BMC Election 2022 Ward 46 Mamletdar Wadi, somwar bazar : वॉर्ड 46मध्ये भाजपाचे एकहाती वर्चस्व! पुन्हा मिळवणार विजय?

मुंबई : निवडणुकीची रणधुमाळी सुरू झाली आहे. महापालिकेची मुदत संपल्याने सध्या प्रशासकामार्फत कारभार सुरू आहे. महिलांचे आरक्षणही (Womens Reservation) जाहीर झाले आहे. मागील वेळी प्रत्येक पक्ष स्वतंत्र लढला होता. भाजपा-सेनेची राज्यात युती होती, मात्र मुंबई महापालिकेत (BMC) ते स्वतंत्र लढले होते. यावेळी राज्यात महाविकास आघाडीचे सरकार आहे. त्यामुळे भाजपा-सेना एकत्र लढण्याची शक्यता नाही. मात्र शिवसेना-राष्ट्रवादी आणि काँग्रेस यांच्यात कसा सुसंवाद राहतो, हे पाहावे लागणार आहे. याकडेच सर्वांचे लक्ष लागले आहे. मुंबईच्या वॉर्ड क्रमांक 46मध्ये (Ward 46) 2017ला चौरंगी लढत पाहायला मिळाली होती. यात भाजपा, शिवसेना, काँग्रेस तसेच मनसे यांचा समावेश होता. भाजपाच्या उमेदवाराने एकतर्फी विजय या वॉर्डात मिळवला होता. भाजपाच्या योगिता कोळी यांचा यात विजय झाला होता. तर दुसऱ्या क्रमांकाची मते शिवसेनेच्या अनघा म्हात्रे यांना मिळाली होती. मात्र त्यांच्या मतांमध्ये मोठे अंतर पाहायला मिळाले होते.

उमेदवार कोण?

प्रामुख्याने चार पक्षांचे उमेदवार रिंगणात होते. यात भाजपातर्फे योगिता सुनील कोळी, शिवसेना पक्षातर्फे अनघा प्रकाष म्हात्रे, मनसेतर्फे दीपाली विलास मोरे तर काँग्रेसतर्फे संध्या अशोक नाझरे हे उमेदवार रिंगणात होते.

कोणाला किती मते?

– योगिता कोळी – 16868

हे सुद्धा वाचा

पवई लेकचा दोन किलोमीटरचा परिसर आठ दिवसात चकाचक होणार, 400 विद्यार्थी लागले कामाला

Tv9 Marathi Special Report : राज्यसभेतून माघार, आता संभाजीराजेंची राजकीय भूमिका काय? रायगडावरील शिवराज्याभिषेक सोहळ्यात घोषणेची शक्यता

BMC election 2022 Lokhandwala Complex Ward No 60 : 2017 मध्ये निसटता विजय भाजपचा झाला होता, यावेळी शिवसेना झेंडा फडकवणार?

– अनघा म्हात्रे – 8501

– दीपाली मोरे – 745

– संध्या नाझरे – 2197

आकडेवारी काय सांगते?

आकडेवारी पाहता भाजपाच्या उमेदवाराचा एकतर्फी विजय झाल्याचे दिसते. दुसऱ्या क्रमांकावर शिवसेना असून शिवसेनेच्या जवळपास दुप्पट मते भाजपाने खेचली. इतर उमेदवारांना फारसा प्रभाव याठिकाणी दाखवता आलेला नाही, असे दिसते

वॉर्ड खुला की आरक्षित?

2017ला हा वॉर्ड महिलांसाठी होता. यावेळी सर्वसाधारण महिलांसाठी हा वॉर्ड राखीव ठेवण्यात आलेला आहे. त्यामुळे विद्यमान नगरसेवकाला संधी मिळते की नवीन उमेदवार दिला जातो, याची उत्सुकता आहे.

वॉर्ड कुठून कुठपर्यंत?

मालाड (प.) यामध्ये मामलेतदार वाडी, सोमवार बाजार या प्रमुख परिसराचा समावेश होतो.