NMMC Election 2022: नवी मुंबई महानगरपालिकेच्या प्रभाग क्र. 39 मध्ये शिवसेनेला बळ काँग्रेस राष्ट्रवादीचे; भाजपला शिंदे गट तारणार….

नवी मुंबईः गेल्या निवडणुकीत राज्यातील राजकीय चित्र वेगळे होते, त्यामुळे मुंबईतील महानगरपालिकेवर विजय मिळवणे अथवा सत्ता मिळवणे शिवसेनेला जड जात नव्हते. मात्र सध्या मुंबईसह राज्यातील राजकीय परिस्थिती बदलली असून त्याचा विपरित परिणाम नवी मुंबई महानगरपालिकेवर पडण्याची शक्यता आहे. मुख्यमंत्री एकनाथ शिंदे यांनी शिवसेनेतून बंडखोरी करुन शिवसेनेचा वेगळा गट स्थापन केल्याने आता भाजपला मुंबई महानगरपालिकेत (Navi Mumbai Metropolitan Municipality) बळ मिळाले आहे, तर शिवसेनेची ताकद काही अंशी कमी झाल्याचे दिसून येत आहे. भाजप मेळाव्या देवेंद्र फडणवीस (Devendra Fadnavis) यांनी मुंबईती महानगरपालिकांवर शिंदे गट आणि भाजपचाच (Shinde-BJP) भगवा फडकविणार असल्याचा विश्वास व्यक्त केला असल्याने आता मुंबईसह नवी मुंबई, कल्याण डोंबिवली महानगरपालिकेसाठी जोरदार तयार करण्यात येत आहे.

त्यामुळे आगामी निवडणुकी नवी मुंबई महानगरपालिकेच्या प्रभाग क्र. 39 साठी काटे टक्कर होणार असल्याचे दिसून येत आहे. शिवसेनेबरोबर राष्ट्रवादी, काँग्रेस आणि इतर मित्र पक्षांनी शिवसेनेला मदत केली तर मात्र शिवसेनेचे राजकारणातील चित्र वेगळे असू शकते अशी शक्यताही वर्तवण्यात येत आहे.

आरक्षणामुळे होणार मोठी लढत

नवी मुंबई महानगरपालिकेच्या प्रभाग क्र. 39 (Ward no. 39)मध्ये आरक्षण जाहीर झाल्यानंतर जुन्या उमेदवारांना आता कसरत करावी लागणार आहे. प्रभाग क्र. 39 मध्ये मागासप्रवर्ग (महिला) सर्वसाधारण (महिला) आणि सर्वसाधारण गटासाठी आरक्षण जाहीर झाले आहे. आरक्षणामुळे आता प्रभागांतील पारंपरिक नेतृत्वात बदल झाले असल्याने जुन्या उमेदवारांना आपल्या अस्तित्त्वासाठी लढत द्यावी लागणार आहे.

प्रभाग कुठूनपासून कुठेपर्यंत

नवी मुंबई महानगरपालिका प्रभाग क्रमांक 39 मध्ये दिवाळी गाव बेलापूर सेक्टर 10, सेक्टर 11, सेक्टर 12, सेक्टर 13, सेक्टर 19, सेक्टर 20, सेक्टर 21, सेक्टर 22, सेक्टर 24, सेक्टर 25, सेक्टर 26, बेलापूर गाव भाग शहाबाद फणस पाडा, अग्रलेगा, व इतर परिसर येतो. या प्रभागांमध्ये उत्तर भागात सायन, पनवेल व महामार्ग आहे तर पूर्व नवी मुंबई महानगरपालिकेचे पूर्व हद्द आहे

दक्षिण बाजूला नवी मुंबई महानगरपालिकेच्या मुख्यालयासमोरील आम्रम मार्गापासून पूर्व दिशेने नवी मुंबई महानगरपालिकेच्या पूर्व दिशेकडील रस्त्यापर्यंत तिथून उत्तरेस शिमगा गणा पाटील अंतर्गत रस्त्याने बेलापूर तलावापर्यंत व बेलापूर गाव रस्त्याने बँक ऑफ इंडियापर्यंत व नंतर पूर्वेस बाळकृष्ण येसू गुरव मार्गाने भूखंड क्रमांक जी 13, 14, 27, 28, समोरील रस्त्याने भूखंड क्रमांक चार व पाच मधून कुंपण भिंतीने सकाळ मार्गापर्यंत तिथून सकाळ भवन मार्गाने पूर्वेस अग्रूळ उड्डाणपूलाजवळील जंक्शन पर्यंत व पुढे नाल्याने दक्षिण दिशेस नवी मुंबई महानगरपालिकेच्या खाडीच्या हद्दीपर्यंत आहे पश्चिम बाजूला ठाणे, बेलापूर महामार्गावरील उरण फाटा जंक्शन पासून दक्षिणेस अम्र मार्गाने नवी मुंबई महानगरपालिकेच्या मुख्यालयापर्यंत आहे.