Sign In

By signing in or creating an account, you agree with Associated Broadcasting Company's Terms & Conditions and Privacy Policy.

BMC Election | राष्ट्रवादीचेही ‘मिशन मुंबई’, ठिकठिकाणी मेळावे घेणार, वॉर्डनिहाय पक्षबांधणी करणार; नवाब मलिक यांची माहिती

राष्ट्रवादी काँग्रेस पक्ष पूर्ण ताकदीने आगामी मुंबई महापालिका निवडणुकीत उतरणार आहे.

BMC Election | राष्ट्रवादीचेही 'मिशन मुंबई', ठिकठिकाणी मेळावे घेणार, वॉर्डनिहाय पक्षबांधणी करणार; नवाब मलिक यांची माहिती
Follow us
| Updated on: Nov 22, 2020 | 1:08 PM

मुंबई : भारतीय जनता पक्षाने (BJP) मुंबई महानगरापालिकेच्या आगामी निवडणुकीसाठी (BMC Election) मोर्चेबांधणी सुरु केली आहे. भाजपपाठोपाठ शिवसेनेतही महापालिका निवडणुकीसंदर्भात खलबतं सुरु झाली आहे. त्यानंतर आता मुंबई महापालिकेत फारसं यश न मिळालेला राष्ट्रवादी काँग्रेस पक्षदेखील (NCP) पूर्ण ताकदीसह आगामी निवडणुकीत उतरणार असल्याचे दिसत आहे. याबाबत बोलताना राष्ट्रवादी काँग्रेस पक्षाचे नेते आणि अल्पसंख्यांक विकास मंत्री नवाब मलिक (Nawab Malik) म्हणाले की, “कोरोनाची परिस्थिती नियंत्रणात आल्यानंतर पक्षबांधणीसाठी राष्ट्रवादीचे मोठे मेळावे मुंबईत घेतले जातील. तसेच वॉर्डनिहाय पक्षबांधणी मजबूत करण्याचे काम सुरु आहे. युवक आणि महिलांचे गट मजबूत करण्याचं काम सुरु आहे”. (NCP is preparing for Mumbai Municipal Corporation elections : Nawab Malik)

नवाब मलिक म्हणाले की, “राज्याप्रमाणे मुंबई महापालिकेतही महाविकास आघडीतच निवडणूक लढवली जावी, अशी आमची इच्छा आहे. काँग्रेस स्वबळावर लढू असं म्हणत असली तरी अजून 15 महिने आहेत. त्यामुळे निवडणुकीत बरेच बदल होऊ शकतील. महाराष्ट्रातील इतर जिल्ह्यांच्या तुलनेत राष्ट्रवादीचं मुंबईकडे दूर्लक्ष झालं आहे आणि ही बाब मान्य करायला हवी. परंतु राष्ट्रवादी काँग्रेस पक्ष आता मुंबईतही आक्रमक होणार आहे. मुंबईतील महत्त्वाचे नेते राष्ट्रवादी सोडून इतर पक्षात गेले. परंतु आता मुंबईत पक्षाचे वरिष्ठ नेते आणि पक्षाची ओळख असणारे नेतेही लक्ष घालणार आहेत”.

मुंबई महापालिका शिवसेनेच्याच ताब्यात राहणार : जयंत पाटील

राष्ट्रवादी काँग्रेसचे प्रदेशाध्यक्ष जयंत पाटील यांनी दोन दिवसांपूर्वी टीव्ही 9 मराठीशी बातचित केली. यावेळी त्यांना मुबंई महापालिका निवडणुकीबाबत विचारण्यात आले, तेव्हा पाटील म्हणाले की, “मुंबई महापालिका ही शिवसेनेच्या ताब्यात आहे आणि आमचा शिवसेनेला पाठिंबा आहे. पालिका निवडणुकीत शिवसेना, काँग्रस आणि राष्ट्रवादी काँग्रेस एकत्र येणार आहेत. देवेंद्र फडणवीस यांनी महापालिकेत सत्ता आणण्याचं स्वप्न पाहू नये, त्यांचं स्वप्न कधीच पूर्ण होणार नाही”.

मुंबई महापालिका निवडणुकीसाठी भाजपकडून आमदार अतुल भातखळकरांची प्रभारीपदी नियुक्ती

भारतीय जनता पक्षाच्या कार्यकारिणीची बुधवारी मुंबईत बैठक झाली. यावेळी मुंबई महापालिकेच्या निवडणुकीची जबाबदारी आमदार अतुल भातखळकर यांच्याकडे सोपवून भाजपने निवडणुकीचं बिगूल फुंकलं. विरोधी पक्षनेते देवेंद्र फडणवीस यांनीही महापालिकेवर भाजपचाच झेंडा फडकणार असल्याचं सांगून कार्यकर्त्यांना कामाला लागण्याचे आदेश दिले. महापालिका निवडणुकीसाठी बुथ स्तरापासून बांधणी करा. राजकारणाचा अभ्यास असलेल्या तरुणांकडे वॉर्डांची जबाबदारी सोपवा, अशा सूचनाही फडणवीसांनी केल्या.

आगामी निवडणुकीत भाजपचाच विजय होईल. 2022 साली मुंबई महापालिकेवर भाजपचा भगवा फडकणार आहे. राजाचा जीव जसा पोपटात अडकलेला असतो, तसा काहींचा जीव महापालिकेत अडकलेला असल्याचा टोलाही देवेंद्र फडणवीसांनी शिवसेनेचं नाव न घेता लगावला. आगामी निवडणुकीत भाजपचाच विजय होईल. भाजपचा महापालिकेवर झेंडा फडकेल. मुंबई महापालिकेत मोठा भ्रष्टाचार झाला आहे. आम्ही ही भ्रष्टाचारी सत्ता उलथवून लावणार, असा निर्धारही देवेंद्र फडणवीसांनी बोलून दाखवला. ठाकरे सरकारचा माज आम्ही उतरवणार आहोत. जनतेच्या पैशांची लूट करण्याचा अधिकार यांना कोणी दिला, असाही प्रश्न उपस्थित करत फडणवीसांनी ठाकरे सरकारवर जोरदार प्रहार केला होता.

संबंधित बातम्या

मुंबई महापालिका निवडणुकीत ‘बिहार पॅटर्न’?, शेलारांचे संकेत; शिवसेनेसाठी धोक्याची घंटा

भाजपचा मुंबई महापालिका निवडणुकीत पराभव निश्चित, त्यामुळेच नेते कामाला लागले, जयंत पाटलांचा टोला

(NCP is preparing for Mumbai Municipal Corporation elections : Nawab Malik)

आमदाराच्या पीएच्या बायकोचा मंगेशकर रुग्णालयात मृत्यू, अहवालात काय?
आमदाराच्या पीएच्या बायकोचा मंगेशकर रुग्णालयात मृत्यू, अहवालात काय?.
हिंदुत्वावरून प्रफुल्ल पटेल अन संजय राऊत भिडले, रंग बदलला vs बाप बदलला
हिंदुत्वावरून प्रफुल्ल पटेल अन संजय राऊत भिडले, रंग बदलला vs बाप बदलला.
'तर बरं झालं असतं', राऊतांच्या 'त्या' टीकेवर प्रफुल्ल पटेलांचा पलटवार
'तर बरं झालं असतं', राऊतांच्या 'त्या' टीकेवर प्रफुल्ल पटेलांचा पलटवार.
पुण्यात गर्भवती महिलेचा मृत्यू, 'दीनानाथ मंगेशकर'च्या पाटीला काळं
पुण्यात गर्भवती महिलेचा मृत्यू, 'दीनानाथ मंगेशकर'च्या पाटीला काळं.
राज्यभरात अवकाळी पावसाचा हैदोस IMD कडून मुंबईसह 'या' जिल्ह्यांना अलर्ट
राज्यभरात अवकाळी पावसाचा हैदोस IMD कडून मुंबईसह 'या' जिल्ह्यांना अलर्ट.
दीनानाथ मंगेशकर रूग्णालयाबाहेर शिवसैनिक आक्रमक, घोषणाबाजीसह चिल्लर फेक
दीनानाथ मंगेशकर रूग्णालयाबाहेर शिवसैनिक आक्रमक, घोषणाबाजीसह चिल्लर फेक.
महिला मजूरांना घेऊन जाणारा ट्रॅक्टर विहिरीत अन्..नांदेडमध्ये काय घडलं?
महिला मजूरांना घेऊन जाणारा ट्रॅक्टर विहिरीत अन्..नांदेडमध्ये काय घडलं?.
'शिंदे, पवार तोंडाला पोपट बांधून फिरतात', संजय राऊत नेमकं काय म्हणाले?
'शिंदे, पवार तोंडाला पोपट बांधून फिरतात', संजय राऊत नेमकं काय म्हणाले?.
शरद पवार यांचा बाप...बापाच्याच पाठीत खंजीर; राऊतांच्या निशाण्यावर कोण?
शरद पवार यांचा बाप...बापाच्याच पाठीत खंजीर; राऊतांच्या निशाण्यावर कोण?.
'हा दलाल... माझ्या नादाला लागू नको, नाहीतर नागडा करीन मी...'- राऊत
'हा दलाल... माझ्या नादाला लागू नको, नाहीतर नागडा करीन मी...'- राऊत.