दादा लढवय्ये, लवकर बरे व्हा, सुप्रिया सुळेंकडून अजित पवारांना सदिच्छा
महाराष्ट्रातील जनतेचे आशीर्वाद आणि शुभेच्छा यांच्या बळावर कोरोना आजाराला पराभूत करुन लवकरच सर्वांच्या सोबत येतील, असे सुप्रिया सुळे म्हणाल्या
मुंबई : उपमुख्यमंत्री अजित पवार यांना कोरोनाची लागण झाली असून मुंबईतील ब्रीच कॅण्डी रुग्णालयात दाखल करण्यात आले आहे. त्यानंतर दादा लवकर बरे व्हा, अशा सदिच्छा त्यांच्या चुलत भगिनी आणि राष्ट्रवादीच्या खासदार सुप्रिया सुळेंनी दिल्या आहेत. (NCP MP Supriya Sule wishes speedy recovery to cousin Ajit Pawar who tested COVID Positive)
“अजितदादा कोरोना पॉझिटिव्ह असल्याने, डॉक्टरांच्या सल्ल्यानुसार रुग्णालयात दाखल झाले आहेत. दादा लढवय्ये आहेत. महाराष्ट्रातील जनतेचे आशीर्वाद आणि शुभेच्छा यांच्या बळावर कोरोना आजाराला पराभूत करुन लवकरच सर्वांच्या सोबत येतील. दादा,लवकर बरे व्हा” असे ट्वीट सुप्रिया सुळे यांनी केले आहे.
महाराष्ट्राचे उपमुख्यमंत्री @AjitPawarSpeaks दादा कोरोना पॉझिटिव्ह असल्याने,डॉक्टरांच्या सल्ल्यानुसार ते रुग्णालयात दाखल झाले आहेत.दादा लढवय्ये आहेत.महाराष्ट्रातील जनतेचे आशीर्वाद आणि शुभेच्छा यांच्या बळावर कोरोना आजाराला पराभूत करुन लवकरच सर्वांच्या सोबत येतील.दादा,लवकर बरे व्हा https://t.co/zHcYQU6MQ0
— Supriya Sule (@supriya_sule) October 26, 2020
काही दिवसांपूर्वीच अजित पवार यांनी कोरोना चाचणी केली होती. त्यावेळी ती निगेटिव्ह आली होती. मात्र कणकण आणि ताप असल्याने ते घरीच थांबून विश्रांती घेत होते. रुटीन चेकअपसाठी ब्रीच कॅण्डी रुग्णालयात गेले असता त्यांची कोरोना चाचणी पॉझिटिव्ह आली. त्यानंतर ते रुग्णालयात अॅडमिट झाले. (NCP MP Supriya Sule wishes speedy recovery to cousin Ajit Pawar who tested COVID Positive)
माझी कोरोनाची चाचणी पॉझिटिव्ह आली असून प्रकृती उत्तम आहे. सावधतेचा उपाय म्हणून डॉक्टरांच्या सल्ल्याने ब्रीच कॅन्डी रुग्णालयात दाखल झालो आहे, अशी माहिती अजित पवारांनी ट्विटरवरुन दिली होती.
राज्यातील नागरिक, राष्ट्रवादी काँग्रेससह राज्यातील सर्व राजकीय पक्षांचे नेते, पदाधिकारी, कार्यकर्ते यांना विनंती आहे की, काळजी करण्याचे काहीही कारण नाही. माझी प्रकृती उत्तम असून थोड्याश्या विश्रांतीनंतर मी लवकरच आपल्यासोबत असेन, असेही त्यांनी सांगितले.
अतिवृष्टीग्रस्त भागाचा दौरा
अजित पवारांनी शनिवारी 18 ऑक्टोबरला अतिवृष्टी झालेल्या बारामती, इंदापूर, सोलापूर परिसरात जाऊन नुकसानीची पाहणी केली होती. अजित पवारांनी शनिवारी सकाळी बारामती शहरासह तालुक्यातील अतिवृष्टी आणि पुरामुळे बाधित झालेल्या भागांची पाहणी केली. त्यानंतर त्यांनी पंढरपूरमधील नुकसानग्रस्त भागाची पाहणी केली.
संबंधित बातम्या :
मोठी बातमी! उपमुख्यमंत्री अजित पवार कोरोना पॉझिटिव्ह
अजित पवारांनी दौरे टाळले, कणकण आणि ताप आल्याने घरीच विश्रांती, कोरोना रिपोर्ट निगेटिव्ह
(NCP MP Supriya Sule wishes speedy recovery to cousin Ajit Pawar who tested COVID Positive)
