ताज्या सर्व्हेनुसार एनडीए बहुमताच्या जवळ, यूपीएला फक्त 135 जागा

नवी दिल्ली : बालाकोटमध्ये केलेल्या एअर स्ट्राईकनंतर मोदी सरकारला खरंच फायदा होणार आहे का? तर याचं उत्तर हो असं आहे. कारण, टाइम्स नाऊ आणि व्हीएमआरच्या ओपिनियन पोलमध्ये भाजप प्रणित एनडीए बहुमताच्या जवळ दिसत आहे. तर काँग्रेसप्रणित यूपीए मात्र 135 जागांवर अडकली आहे. 543 जागांपैकी एनडीएला 283, यूपीए 135 आणि इतर पक्षांचा 125 जागांचा अंदाज वर्तवण्यात […]

Sachin Patil | सचिन पाटील | Updated on: Jul 05, 2019 | 4:14 PM

नवी दिल्ली : बालाकोटमध्ये केलेल्या एअर स्ट्राईकनंतर मोदी सरकारला खरंच फायदा होणार आहे का? तर याचं उत्तर हो असं आहे. कारण, टाइम्स नाऊ आणि व्हीएमआरच्या ओपिनियन पोलमध्ये भाजप प्रणित एनडीए बहुमताच्या जवळ दिसत आहे. तर काँग्रेसप्रणित यूपीए मात्र 135 जागांवर अडकली आहे. 543 जागांपैकी एनडीएला 283, यूपीए 135 आणि इतर पक्षांचा 125 जागांचा अंदाज वर्तवण्यात आलाय. भाजपला सर्वात मोठा फटका उत्तर प्रदेशात बसताना दिसतोय. तर तामिळनाडूत एआयएडीएमकेला सोबत घेतल्याचाही फायदा झालेला दिसत नाही.

मार्च महिन्यात करण्यात आलेल्या या सर्व्हेमध्ये 16931 लोकांचा सहभाग होता. यापूर्वीच्या सर्व्हेमध्ये एनडीए बहुमतापासून दूर असल्याचं सांगण्यात आलं होतं. मात्र तेव्हापासून दोन महत्त्वाच्या घटना घडल्या आहेत. केंद्र सरकारने सादर केलेलं अंतरिम बजेट आणि बालाकोट एअर स्ट्राईक. या पार्श्वभूमीवर या सर्व्हेला महत्त्व प्राप्त झालं आहे. तेलंगणा, केरळ या राज्यांमध्ये भाजप आणि काँग्रेसलाही फटका बसणार आहे. तर दिल्लीमध्ये सातपैकी सात जागा भाजप जिंकताना दिसत आहे.

राज्यनिहाय जागांचा अंदाज

महाराष्ट्र (48)

पक्ष 2019 2014

युती 39 42

आघाडी 09 06

उत्तर प्रदेश (80)

पक्ष 2019 2014

भाजप+ 42 73

काँग्रेस+ 02 02

सपा-बसपा+05 36

बिहार (40)

पक्ष 2019 2014