पवार कुटुंबातून फक्त मी निवडणूक लढवणार : शरद पवार

पुणे : राष्ट्रवादी काँग्रेसचे अध्यक्ष शरद पवार यांनी लोकसभा निवडणुकीतील एंट्री निश्चित केली आहे. पवार कुटुंबातून फक्त मीच निवडणूक लढवणार असल्याचं त्यांनी जाहीर केलंय. लोकसभा निवडणुकीत पवार कुटुंबीयांपैकी फक्त मी निवडणूक लढवणार आहे. अजित पवार, रोहित पवार आणि पार्थ पवार निवडणूक लढवणार नाहीत, असं शरद पवार म्हणाले. त्यामुळे पार्थ पवार मावळमधून निवडणूक लढवणार असल्याच्या चर्चांना […]

Sachin Patil | सचिन पाटील | Updated on: Jul 05, 2019 | 4:25 PM

पुणे : राष्ट्रवादी काँग्रेसचे अध्यक्ष शरद पवार यांनी लोकसभा निवडणुकीतील एंट्री निश्चित केली आहे. पवार कुटुंबातून फक्त मीच निवडणूक लढवणार असल्याचं त्यांनी जाहीर केलंय. लोकसभा निवडणुकीत पवार कुटुंबीयांपैकी फक्त मी निवडणूक लढवणार आहे. अजित पवार, रोहित पवार आणि पार्थ पवार निवडणूक लढवणार नाहीत, असं शरद पवार म्हणाले. त्यामुळे पार्थ पवार मावळमधून निवडणूक लढवणार असल्याच्या चर्चांना आता पूर्ण विराम मिळणार आहे.

पुणे एमआयटी शिक्षण संस्थेच्या लोणी काळभोरच्या संकुलात छत्रपती शिवाजी महाराजांच्या अश्वरुढ पुतळ्याच्या अनावरण प्रसंगी शरद पवार बोलत होते. रोहित पवार आणि पार्थ पवार यांनाही यावर्षी लोकसभा निवडणुकीसाठी संधी दिली जाऊ शकते, असा अंदाज बांधला जात होता. त्यामुळे पवार कुटंबातून एकाच वेळी चार जण निवडणूक लढणार का, असंही बोललं जात होतं. पण पवार कुटुंबातून मीच निवडणूक लढवणार असल्याचं शरद पवार म्हणाले. शरद पवार हे माढा लोकसभा मतदारसंघातून निवडणूक लढणार आहेत.

सध्या माढा लोकसभा मतदारसंघात राष्ट्रवादी काँग्रेसचे विद्यमान खासदार विजयसिंह मोहिते पाटील प्रतिनिधीत्व करतात. मात्र स्वत: विजयसिंह मोहिते पाटील यांनीच शरद पवारांना माढ्यातून लोकसभा निवडणूक लढण्याबाबत आग्रह धरला आहे. शरद पवार यांनीच काही दिवसांपूर्वी ही माहिती दिली होती. तेव्हापूसन शरद पवार हे लोकसभा निवडणूक 2019 लढवणार की नाही याबाबत अनेक तर्कवितर्क लढवले जात आहेत. स्वत: शरद पवार यांनी आपण लोकसभा निवडणूक लढवणार नसल्याचं यापूर्वीच जाहीर केलं होतं. मात्र शरद पवार यांनी पुण्यात केलेलं वक्तव्य संभ्रमात टाकणारं होतं. पण ते आता पुन्हा निवडणूक लढणार असल्याचं त्यांनी स्वतःच जाहीर केलंय.

माढा लोकसभा मतदारसंघ

माढा लोकसभा मतदारसंघाची निर्मिती 2009 मध्ये मतदारसंघ पुनर्रचनेनंतर झाली. तत्पूर्वी येथे पंढरपूर राखीव लोकसभा मतदारसंघ होता. या मतदारसंघातून पुनर्रचनेनंतर राष्ट्रवादीचे अध्यक्ष खासदार शरद पवार यांनी निवडणूक लढवली आणि विजयी झाले होते. त्या निवडणुकीत पवार यांना 5 लाख 30 हजार 596 मते मिळाली होती, तर त्यांचे विरोधक भाजपाचे सुभाष देशमुख यांना 2 लाख 16 हजार 137 मते मिळाली होती.

2014 मध्ये माढा लोकसभा मतदारसंघातून राष्ट्रवादी काँग्रेस पक्षाने माजी उपमुख्यमंत्री विजयसिंह मोहिते पाटील यांना उमेदवारी दिली होती, तर भाजपाने ही जागा स्वाभिमानी पक्षाला सोडून येथे विद्यमान कृषीराज्यमंत्री सदाभाऊ खोत यांना उमेदवारी दिली होती. याच निवडणुकीत विजयसिंह मोहिते पाटील यांचे सख्खे बंधू स्व. प्रतापसिंह मोहित पाटील यांनी ही अपक्ष उमेदवारी दाखल केली व निवडणूक लढविली होती. 2014 ला देशात नरेंद्र मोदी यांची लाट असताना माढा मतदारसंघ राष्ट्रवादीने राखला होता. ही लढत खोत व मोहिते पाटील यांच्यात अत्यंत चुरशीने झाली. या लढतीत विजयसिंह मोहिते पाटील यांनी बाजी मारली होती.

संबंधित बातम्या :