राज ठाकरे तयारीला लागले; सहा दिवस विदर्भात तळ ठोकणार
18 सप्टेंबरपासून राज ठाकरे यांचं मिशन विदर्भ सुरु होत आहे. या दौऱ्याची तयारी सुरु झाली असून, मनसे नेत्यांनी आज नागपूर येथील तयारीचा आढावा घेतला. या दौऱ्यात राज ठाकरे तब्बल सहा दिवस विदर्भात तळ ठोकून असणार आहेत.
मुंबई : एकनाथ शिंदे(Eknath shinde) यांच्या बंडखोरीनंतर राज्यात सत्तांतर झाले. यानंतर सर्वच पक्षांनी तयारी सुरु केली आहे ती महापालिका निवडणुकांची. मनसे प्रमुख राज ठाकरे(Raj Thackeray) यांनी देखील मनसे पक्षाला मोठेया ताकदीने निवडणुकीच्या रिंगणात उतरण्याची तयारी सुरु केली आहे. राज ठाकरे चांगलेच सक्रिय झाले आहेत. लवकरच राज ठाकरे विदर्भ(Vidarbha) दौरा करणार आहेत. कार्यकर्त्यांनी याची जोरदार तयारी सुरु केली आहे.
18 सप्टेंबरपासून राज ठाकरे यांचं मिशन विदर्भ सुरु होत आहे. या दौऱ्याची तयारी सुरु झाली असून, मनसे नेत्यांनी आज नागपूर येथील तयारीचा आढावा घेतला. या दौऱ्यात राज ठाकरे तब्बल सहा दिवस विदर्भात तळ ठोकून असणार आहेत.
या दौऱ्यात राज ठाकरे नागपूर, चंद्रपुर आणि अमरावती मुक्काम करणार आहेत. मनसे संघटनेला बळ देणे, पदाधिकाऱ्यांशी चर्चा, नविन नियुक्त्या आणि आगामी स्थानिक स्वराज्य संस्थेच्या निवडणूकीची तयारी, यासाठी राज ठाकरे यांचा सहा दिवस विदर्भ दौरा करणार आहेत.
राज ठाकरे 19 सप्टेंबरला नागपूरला मुक्कामी असून इथल्या बैठका घेणार आहेत. यानंतर 20 सप्टेंबरला ते चंद्रपूर येथे मुक्काम करणार आहेत. तर 21 आणि 22 सप्टेंबरलाते अमरावती येथे आढावा बैठका बैठक घेणार आहेत अशी माहिती मनसे नेते राजू उंबरकर यांनी दिली.
दरम्यान, राज ठाकरे दौरे घेत असतानाच राज्यात मनसे भाजपच्या युतीची चर्चा रंगली आहे. राज ठाकरे आणि उपमुख्यमंत्री देवेंद्र फडणवीस यांच्या भेटीमुळे सगळ्यांच्याच भुवया उंचावल्या. तर दुसरीकडे मुख्यमंत्री एकनाथ शिंदे यांनी आपल्या गटाच्या दसरा मेळाव्यात राज ठाकरे यांना प्रमुख अतिथी म्हणून आमंत्रित करण्याचे संकेत दिले आहेत.