कोरोनाचा बारामतीत प्रवेश, न्यूमोनियाचे उपचार घेणारा रुग्ण ‘कोरोना’ पॉझिटिव्ह

पुणे : ‘कोरोना’चा आता बारामतीतही शिरकाव झाल्याचं वृत्त समोर येत आहे. पुण्यात आज एका ‘कोरोना’ रुग्णाची वाढ झाली आहे. पुण्यातील ससून रुग्णालयात न्यूमोनियाचे उपचार घेत असणाऱ्या रुग्णाचा ‘कोरोना’ रिपोर्ट पॉझिटिव्ह आला आहे. (Corona Patient found in Baramati)

ससून रुग्णालयात न्यूमोनियाचे उपचार घेणारा रुग्ण मूळ बारामतीचा आहे. उपचारादरम्यान त्याची ‘कोरोना’ चाचणी केली असता त्याला कोरोनाची लागण झाल्याचं समोर आलं. पिंपरी चिंचवड धरून पुण्यातील कोरोनाग्रस्तांचा आकडा 37 वर गेला आहे.

राज्यात कोरोनाबाधित एकूण रुग्णांची संख्या 203 वर पोहोचली आहे. महाराष्ट्रात आज (29 मार्च) नव्याने बावीस रुग्णांची नोंद झाली आहे. या नवीन रुग्णांमध्ये सर्वाधिक 10 रुग्ण मुंबईचे आहेत, तर 5 पुण्याचे, 3 नागपूरचे, 2 अहमदनगरचे, तर सांगली, बुलडाणा आणि जळगाव येथील प्रत्येकी एक रुग्ण आहे.

हेही वाचा : बुलडाण्यात ‘क्वारंटाईन’ दरम्यान मृत्यू झालेल्या ‘त्या’ व्यक्तीचा रिपोर्ट पॉझिटिव्ह, राज्यात कोरोना बळींची संख्या 8 वर

एका 40 वर्षीय महिलेचा काल केईएम रुग्णालयात तीव्र श्वसनावरोधामुळे मृत्यू झाला होता. ती कोरोनाबाधित असल्याचे आज निष्पन्न झाले. तिला उच्च रक्तदाबही होता. बुलडाणा येथे एका 45 वर्षीय पुरुषाचा मृत्यू कोरोनामुळे झाला. तो मधुमेही होता. राज्यातील कोरोनामुळे झालेल्या मृत्यूंची संख्या आता आठ झाली आहे. 35 कोरोनाबाधित रुग्ण बरे होऊन घरी गेले आहेत.

VIDEO : Corona | मुंबईबाहेर कोरोनाचा पहिला बळी तर राज्यात कोरोनाचे आतापर्यत 8 बळीhttps://t.co/WvSh8egAJb

— TV9 Marathi (@TV9Marathi) March 29, 2020

(Corona Patient found in Baramati)