पुणेकरांची चिंता वाढली, चोवीस तासात तिसरा ‘कोरोना’ बळी

पुणे : पुणेकरांची चिंता वाढवणाऱ्या बातम्या पुण्यातून येत आहेत. गेल्या चोवीस तासात पुण्यात तिसऱ्या ‘कोरोना’ग्रस्त रुग्णाचा बळी गेला. औंध येथील जिल्हा रुग्णालयात कोरोनाबाधित महिलेचा मृत्यू झाला आहे. महाराष्ट्रातील ‘कोरोना’बळींची संख्या 35 वर पोहोचली आहे. (Pune Three Corona Patients Died in a day)

संबंधित 69 वर्षीय महिलेची नुकतीच शस्त्रक्रिया झालेली होती. कोरोनाची लागण झाल्यानंतर तिच्यावर औंध येथील जिल्हा रुग्णालयात उपचार सुरु होते. मात्र आज तिची प्राणज्योत मालवली.

गेल्या 24 तासात पुण्यात गेलेला हा तिसरा बळी आहे. पुण्यात आतापर्यंत मृत्युमुखी पडलेल्या ‘कोरोना’ग्रस्तांची संख्या पाचवर पोहोचली आहे.  आतापर्यंत ‘कोरोना’मुळे मृत्यू झालेल्या पुण्यातील चार जणांनी परदेश प्रवास केलेला नव्हता. पाचव्या महिलेविषयी अद्याप तपशील मिळालेला नाही.

महाराष्ट्रातील ‘कोरोना’ बाधित रुग्णांचा आकडा 661 वर गेला आहे. तर राज्यातील ‘कोरोना’बळींची संख्या 35 वर पोहोचली आहे. पुणे विभागातील कोरोनाबाधित रुग्णांची संख्या 104 वर गेली आहे.

चौघे पुणेकर परदेश प्रवास न केलेले

ससून रुग्णालयात मृत्युमुखी पडलेल्या (5 एप्रिल) 48 वर्षीय ‘कोरोना’ग्रस्त व्यक्तीने परदेशी प्रवास केलेला नाही. ‘कोरोना’ रिपोर्ट निगेटिव्ह असल्याने डिस्चार्ज मिळालेल्या 60 वर्षीय महिलेनेही (5 एप्रिल) परदेशात प्रवास केलेला नव्हता. पुण्यात याआधी (2 एप्रिल) एका 50 वर्षीय कोरोनाबाधित महिलेचा उपचारादरम्यान मृत्यू झाला होता. त्या महिलेनेही कोणताही परदेशी प्रवास केला नव्हता. तर 30 मार्चलाही पुण्यात मृत्यू झाला, त्या 52 वर्षीय ‘कोरोना’ग्रस्त व्यक्तीचीही परदेशवारी झालेली नाही. त्यामुळे कोरोनाग्रस्त रुग्णाच्या संपर्कात आल्याने त्यांना कोरोनाची बाधा झाल्याची शक्यता आहे.

‘त्या’ महिलेचं नेमकं काय झालं?

पुण्यातील 60 वर्षीय महिला तीन दिवसांपूर्वी नायडू रुग्णालयात दाखल झाली होती. यावेळी ती ‘कोरोना’ निगेटिव्ह असल्याने तिला डिस्चार्ज दिला होता. मात्र घरी गेल्यानंतर इंक्युबेशन पिरेडमध्ये असताना अचानक तिची तब्येत ढासळली. काल तिला ससून रुग्णालयात पुन्हा दाखल करण्यासाठी नेलं जात होतं, मात्र तोपर्यंत महिलेचा मृत्यू झाला होता. मृत्यूनंतर सॅम्पल चेक केले असता, ती कोरोना पॉझिटिव्ह आढळली.

पुण्यात कोरोनाबाधितांचा आकडा शंभरी पार, राज्यात कोरोनाबाधितांची संख्या 661 वरhttps://t.co/xz0GeKgy4e #Pune #CoronaInMaharashtra

— TV9 Marathi (@TV9Marathi) April 5, 2020

(Pune Three Corona Patients Died in a day)

कोरोनामुळे महाराष्ट्रात कुठे किती मृत्यू?

1. मुंबई – 64 वर्षीय वृद्धाचा मृत्यू – 17 मार्च 2. मुंबई – 63 वर्षीय वृद्धाचा मृत्यू – 22 मार्च *मुंबई – फिलिपाईन्सच्या 68 वर्षीय वृद्धाचा मृत्यू– 23 मार्च (कोरोना निगेटिव्ह, मृत्यूचं कारण अन्य)* 3. मुंबई – 65 वर्षीय वृद्धाचा मृत्यू – 23 मार्च 4. मुंबई – एकाचा मृत्यू -25 मार्च 5. नवी मुंबई – वाशीतील 65 वर्षीय महिलेचा मृत्यू– 26 मार्च 6. मुंबई – 63 वर्षीय महिलेचा मृत्यू– 26 मार्च 7. बुलडाणा – 45 वर्षीय पुरुषाचा मृत्यू – 28 मार्च 8. मुंबई – 40 वर्षीय महिलेचा मृत्यू – 28 मार्च 9. पुणे – 52 वर्षीय व्यक्तीचा मृत्यू – 30 मार्च 10. मुंबई – 80 वर्षीय व्यक्तीचा मृत्यू – 30 मार्च 11. मुंबई – 65 वर्षीय वृद्धाचा मृत्यू – 31 मार्च 12. पालघर  – 50 वर्षीय पुरुषाचा मृत्यू – 1 एप्रिल 13. मुंबई – 51 वर्षीय पुरुषाचा मृत्यू – 1 एप्रिल 14. मुंबई – 84 वर्षीय महिलेचा मृत्यू – 1 एप्रिल 15. मुंबई – 73 वर्षीय महिलेचा मृत्यू – 1 एप्रिल 16. मुंबई – 63 वर्षीय महिलेचा मृत्यू – 1 एप्रिल 17. मुंबई – 56 वर्षीय पुरुषाचा मृत्यू – 1 एप्रिल 18. जळगाव – एका रुग्णाचा मृत्यू – 2 एप्रिल 19. मुंबई – 61 वर्षीय महिलेचा मृत्यू – 2 एप्रिल 20. मुंबई – 58 वर्षीय महिलेचा मृत्यू – 2 एप्रिल 21. मुंबई – 58 वर्षीय महिलेचा मृत्यू – 2 एप्रिल 22. मुंबई – 63 वर्षीय पुरुषाचा मृत्यू – 2 एप्रिल 23. पुणे – 50 वर्षीय महिलेचा मृत्यू – 2 एप्रिल 24. वसई – 68 वर्षीय पुरुषाचा मृत्यू – 2 एप्रिल 25. बदलापूर – एका रुग्णाचा मृत्यू – 3 एप्रिल 26. मुंबई – 65 वर्षीय पुरुषाचा मृत्यू – 3 एप्रिल 27. अमरावती – एका रुग्णाचा मृत्यू – 4 एप्रिल 28. मुंबई – 70 वर्षीय महिलेचा मृत्यू – 4 एप्रिल 29. मुंबई – 53 वर्षीय महिलेचा मृत्यू – 4 एप्रिल 30. मुंबई – 67 वर्षीय महिलेचा मृत्यू – 4 एप्रिल 31. मुंबई – 47 वर्षीय पुरुषाचा मृत्यू – 4 एप्रिल 32. मुंब्रा – 57 वर्षीय पुरुषाचा मृत्यू -= 4 एप्रिल 33. पुणे – 60 वर्षीय महिलेचा मृत्यू – 5 एप्रिल 34. पुणे – 48 वर्षीय पुरुषाचा मृत्यू – 5 एप्रिल 35. पुणे – 69 वर्षीय महिलेचा मृत्यू – 5 एप्रिल

ताजी आकडेवारी इथे पहा :

(Pune Three Corona Patients Died in a day)