Astrology : चार दिवसानंतर शुक्राच्या कृपेने भरणार या राशीच्या लोकांची तिजोरी!
अनेक राशींसाठी शुक्राचे गोचर फायदेशीर ठरु शकते. शुक्र या राशींना आर्थिक समृद्धी तर धनाची देवी लक्ष्मी त्यांना संपत्ती, ऐश्वर्य प्रदान करु शकते.
मुंबई : शुक्र हा प्रेम, नातेसंबंध आणि आनंदाचा अधिपती मानला जातो. 30 मे रोजी शुक्र कर्क राशीत प्रवेश करेल. हा राशी बदल संध्याकाळी 07.39 वाजता होईल. आपल्या मित्र बुधाची राशी सोडून शुक्र चंद्राच्या कर्क राशीत प्रवेश करेल. शुक्र कर्क राशीत आल्यावर धन राजयोग तयार होईल. चला जाणून घेऊया शुक्राच्या संक्रमणामुळे कोणत्या राशींना (Astrology) फायदा होणार आहे.
या राशीच्या लोकांना धनलाभ होण्याची शक्यता
मेष
मेष राशीच्या चौथ्या घरात शुक्राचे संक्रमण होईल. या काळात घरात सुख-शांती नांदेल. कौटुंबिक सुखात वाढ होईल. नातेवाईक तुम्हाला सहकार्य करतील. प्रत्येक काम कोणत्याही अडथळ्याशिवाय पूर्ण होईल. विवाहित महिलांसाठी हे संक्रमण चांगले होणार आहे. नोकरीच्या ठिकाणी बढती मिळण्याची शक्यता आहे. आरोग्यही चांगले राहील.
कर्क
शुक्राचे कर्क राशीत भ्रमण होणार आहे. त्यामुळे वर्तनात सकारात्मक बदल घडून येईल. लोक तुमच्याकडे आकर्षित होतील. कामाच्या ठिकाणी चांगले परिणाम मिळतील. ऑफिसमध्ये परिस्थिती चांगली राहील. या दरम्यान उच्च अधिकार्‍यांशी संबंध सौहार्दाचे असतील. वैवाहिक जीवनात प्रेम वाढेल.
वृश्चिक
वृश्चिक राशीच्या नवव्या घरात शुक्राचे संक्रमण होणार आहे. या दरम्यान परदेश प्रवासाची संधी मिळू शकते. काही नवीन लोकांचीही भेट होईल. विद्यार्थ्यांसाठी हा काळ चांगला राहील. अभ्यासात रुची वाढू शकते. पैशांची बचत करण्यातही तुम्ही यशस्वी व्हाल. जर तुम्ही कुठे गुंतवणूक केली असेल तर त्यातूनही नफा मिळण्याची शक्यता आहे.
मीन
मीन राशीच्या पाचव्या घरात शुक्राचे भ्रमण होईल. या दरम्यान गैरसमज दूर होतील. विद्यार्थ्यांसाठी हा काळ चांगला राहील. नोकरी बदलायची असेल तर यश मिळेल. तुम्हाला तुमच्या जीवनात सकारात्मक सुधारणा दिसतील. व्यवसायात लाभाची चांगली संधी मिळेल.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
