Astrology : या राशीच्या लोकांचे व्यक्तीमत्व असते रहस्यमयी, दिसतात एक असतात वेगळे
ज्योतिषशास्त्रानुसार काही राशीचे लोकं सर्वात रहस्यमय असतात. त्यांच्या मनात नेमके काय चालू आहे याचा अंदाज लावणे कठीण असते.
मुंबई : राशीला ज्योतिषशास्त्रात (Astrology) खूप महत्त्व आहे. प्रत्येक व्यक्तीचा स्वभाव त्याच्या राशीशी संबंधित असतो. व्यक्तीच्या पत्रिकेत राशीचे आकलन करून त्या व्यक्तीच्या जीवनातील यश-अपयश कळते. ज्योतिषशास्त्रानुसार काही राशीचे लोकं सर्वात रहस्यमय असतात. त्यांच्या मनात नेमके काय चालू आहे याचा अंदाज लावणे कठीण असते. या राशींचे लोकं आपल्या भावना, विचार आणि योजना अत्यंत गोपनीय ठेवतात. राजकीय क्षेत्रात या राशीच्या लोकांचा चांगला प्रभाव असतो. जाणून घेऊया या कोणत्या राशी आहेत.
या सहा राशींचे लोकं असतात रहस्यमयी
कर्क
या राशीचे लोकं संवेदनशील आणि भावनिक असतात. ते इतरांच्या जीवनासाठी खूप अर्थपूर्ण आहेत. त्यांचा स्वभाव अतिशय गूढ आहे. ते सहज समजू शकत नाहीत. कर्क राशीचे लोकं आपल्या भावना लपवण्यात नेहमीच तरबेज असतात. आजूबाजूच्या लोकांना पाहून त्यांच्यातही अशीच भावना निर्माण होते, ज्यामुळे प्रत्येकजण त्यांच्याकडे सहज आकर्षित होतो.
कन्या
या राशीचे लोकं सभ्य आणि मृदुभाषी असतात. त्यांना हसणे आणि विनोद करणे आवडते. त्यांनी विनोद केला तर ते सहन करण्याची क्षमताही त्यांच्यात असते. कन्या राशीचे लोकं खरे मित्र असल्याचे सिद्ध करतात आणि मैत्री टिकवण्यासाठी काहीही करण्यास तयार असतात. अनेक वेळा लोक त्यांना समजून घेण्यात चुका करतात. या राशीच्या लोकांना साधे राहणे आवडते आणि त्यांच्या भावना किंवा समस्या सर्वांसमोर व्यक्त करत नाहीत.
वृश्चिक
या राशीच्या लोकांना सहसा हलके घेता येत नाही. त्यांचे हृदय आणि डोळे वेगवेगळ्या गोष्टी सांगतात. काहीही बोलण्यापूर्वी तो अनेक वेळा विचार करतात. त्यांना स्वतःच्या अटींवर आयुष्य जगायला आवडते. वृश्चिक राशीचे लोकं भावनिक आणि संवेदनशील असतात. ते खूप विश्वासू मित्र असू शकतात. एखाद्याने दगा केल्यास योग्य वेळी ते अवश्य बदला घेतात.
कुंभ
या राशीचे लोकं कठोर स्वभावाचे असतात आणि त्यांना जास्त बोलणे आवडत नाही. म्हणूनच ते सहसा अलिप्त राहतात. ते आपले विचार इतरांना कळू देत नाही. कुंभ राशीच्या लोकांमध्ये कमालीचा आत्मविश्वास असतो. जीवनातील प्रत्येक समस्यांना ते चतुराईने तोंड देतात. अशा परिस्थितीत आजूबाजूच्या लोकांमध्ये या राशीच्या लोकांना जाणून घेण्याची उत्सुकता निर्माण होते. त्यांचे वैवाहिक जीवन रहस्यमयी असते.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
