350 वर्ष जुन्या शिवलींगाला जात आहेत तडे, धक्कादायक कारण आले समोर
आयआयटी, बॉम्बेचा अहवाल समोर आल्यानंतर मंदिर प्रशासनासह तज्ज्ञांनी महत्त्वपूर्ण पाऊल उचलले आणि आजूबाजूच्या वस्तू विक्रेत्यांची चौकशी केली.
मुंबई : मुंबईचे बाबुल नाथ मंदिर (Babulnath temple Mumbai) हे स्थानिक भाविकांचे सर्वात महत्त्वाचे श्रद्धास्थळ आहे. लोकांच्या मनात या मंदिराबद्दल प्रचंड आस्था आहे. भोलेनाथाचा आशीर्वाद घेण्यासाठी देशभरातून भाविक येथे येतात. शतकांपूर्वी येथे शिवलिंगाची स्थापना झाली. मात्र काही दिवसांपासून या मंदिराच्या शिवलिंगाला भेगा पडताना दिसत आहेत. हे पाहता मंदिर प्रशासनाकडून शिवलिंगाला नुकसान होण्यापासून वाचवण्यासाठी आयआयटी-बॉम्बे येथील तज्ज्ञांची मदत घेण्यात येत आहे. हे शिवलिंग सुमारे 350 वर्षे जुने आहे. शिवलिंगावरील तडे लक्षात घेऊन मंदिर प्रशासनाने दूध, राख, गुलाल आणि इतर प्रकारच्या प्रसादावर बंदी घालण्याचा निर्णय घेतला आहे. शिवलिंगावरील अभिषेकासाठी फक्त पाणीच टाकण्याची परवानगी आहे. शिवलिंगावर भेगा का दिसत आहेत हे जाणून घेण्यासाठी मंदिर प्रशासनाने आयआयटी-बॉम्बेशी संपर्क साधला.
शिवलींगाला भेगा पडण्यामागे काय आहे कारण?
आयआयटीच्या तज्ज्ञांनी बॉम्बेने या जागेची पाहणी करून प्राथमिक अहवाल तयार केला. भेसळयुक्त पदार्थांच्या सततच्या प्रभावामुळे शिवलिंगाची हानी होत असल्याकडे हा अहवाल बोट दाखवत आहे. येत्या काही दिवसांत संपूर्ण अहवाल येणे अपेक्षित आहे.
आयआयटी, बॉम्बेचा अहवाल समोर आल्यानंतर मंदिर प्रशासनासह तज्ज्ञांनी महत्त्वपूर्ण पाऊल उचलले आणि आजूबाजूच्या वस्तू विक्रेत्यांची चौकशी केली. यादरम्यान मंदिराच्या आजूबाजूला भेसळयुक्त दूध व वस्तूंची सर्रास विक्री होत असल्याचे समोर आले.
रिपोर्टनुसार, या भेसळयुक्त दुधाने शिवलिंगाला सतत अभिषेक केला जात होता. त्यामुळे मंदिर प्रशासनाने दूध आणि इतर गोष्टींच्या अभिषेकावर बंदी घातली आहे. भक्तांना शिवलिंगावर फक्त पाण्याने अभिषेक करण्याची परवानगी आहे.
(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
