Mirror Vastu Tips : घरात आरसा कोणत्या दिशेला लावावा, जाणून घ्या आरशाशी संबंधित सर्व महत्त्वाचे वास्तु नियम

घरात आरसा कोणत्या दिशेला लावावा, जाणून घ्या आरशाशी संबंधित सर्व महत्त्वाचे वास्तु नियम

मुंबई : आरसा प्रत्येक घरातील दैनंदिन वापराची वस्तू आहे. आरसा जितके घरातील प्रत्येकाचे सौंदर्य वाढवण्यासाठी मदत करतो तितकीच मदत तो घराचे आणि घरातील सदस्यांचे भाग्य बदलण्यासाठीही करतो. आपण अनेकदा आपल्या घराच्या कानाकोपऱ्यात तो लावतो. या आरशाचा घराच्या भिंतीत लावायचा संबंध आपल्या सुख आणि सौभाग्याशीही असतो. वास्तूनुसार कोणत्याही घरामध्ये सकारात्मक ऊर्जा वाढवण्यात आरसा महत्त्वाची भूमिका बजावतो. वास्तूनुसार घरामध्ये योग्य दिशेला आरसा लावल्यास तो तुमच्या आनंदाचे माध्यम बनू शकतो, तर चुकीच्या दिशेला असलेला आरसा तुमच्या दुर्दैवाचे आणि सर्व प्रकारच्या संकटांचे मोठे कारण बनू शकतो. घरात आरसा लावताना कोणते वास्तू नियम नेहमी लक्षात ठेवले पाहिजेत.

– वास्तूनुसार घरामध्ये नेहमी आयताकृती, चौकोनी किंवा अष्टकोनी आरसा लावावा. जेव्हा तुम्ही बाथरूममध्ये आरसा लावाल तेव्हा तो बरोबर दारासमोर नसेल याची पूर्ण काळजी घ्या.

– वास्तूनुसार घरामध्ये टोकदार आकाराचे आरसे लावू नयेत. त्याचप्रमाणे जो आरसा तडकलेला किंवा अस्पष्ट असेल तो वापरु नये किंवा घरात ठेवू नये. वास्तूनुसार तुटलेला किंवा तडकलेला आरसा किंवा काच अशुभ असतो.

– वास्तूनुसार तुमच्या बेडरूममध्ये आरसा लावणे नेहमीच टाळावे. वास्तूनुसार जर तुमच्या पलंगाचे प्रतिबिंब बेडरूममध्ये लावलेल्या आरशात उमटत असेल तर त्याच्या दोषामुळे वैवाहिक जीवनात परस्पर विश्वास आणि सामंजस्य कमी होते. जागेअभावी बेडरूममध्ये आरसा लावणे तुमची सक्ती असेल तर त्यासाठी आवरण किंवा पडदा घ्या. आरसा वापरल्यानंतर झाकून ठेवा.

– जीवनात तुम्हाला कधीही आर्थिक समस्यांना सामोरे जावे लागू नये असे तुम्हाला वाटत असेल तर आरसा लावताना तुम्हाला योग्य दिशा माहित असणे आवश्यक आहे. वास्तूनुसार घराच्या आत पश्चिम किंवा दक्षिण दिशेच्या भिंतीवर कधीही आरसा लावू नये. आरसा फक्त पूर्व आणि उत्तर दिशेला लावणे शुभ असते. या दिशेलाही आरसा असा लावावा की पाहणाऱ्याचा चेहरा नेहमी पूर्व किंवा उत्तर दिशेला असावा. (know all the important architectural rules related to the mirror)

(येथे दिलेली माहिती धार्मिक श्रद्धा आणि लोकश्रद्धेवर आधारित आहे, याला कोणताही शास्त्रीय पुरावा नाही. सर्वसामान्यांची आवड लक्षात घेऊन ती येथे सादर केली आहे.)

इतर बातम्या

या मंदिरांमध्ये पाळला जातो ड्रेस कोड; योग्य पोशाख नसेल तर…

Astro tips for shoes | फाटलेले, तुटलेले शुज वापरताय? आत्ताच बदला नाहीतर शनीचा कोप झालाच म्हणून समजा