ॲप्पल कंपनीचे संस्थापक स्टीव्ह जॉब्स यांच्या पत्नी देखील महाकुंभला भेट देणार, स्वामी कैलाशानंद यांनी काय दिली माहिती पाहा..
अब्जाधीश लॉरेन पॉवेल प्रयागराज येथे कल्पवास देखील करणार आहे. तसेच सांधूंसारखे व्रत पालन करीत श्रद्धेने सर्व संस्कार करणार आहेत. दिवंगत स्टीव्ह जॉब्स यांच्याप्रमाणे त्यांच्या पत्नी लॉरेन देखील हिंदू आणि बौद्ध धर्माबद्दल आस्था राखून आहेत. आणि अनेक धार्मिक उत्सवात त्या श्रद्धेने सहभागी होत असतात.
महाकुंभ 12 वर्षांतून एकदा भरत असतो. हिंदू धर्माच्या या महामेळाव्यात श्रद्धा आणि संस्कृतीचा संगम होतो. अनेक युगापासून सुरु असलेल्या या परंपरेत मनुष्य मनुष्य प्राण्यास जोडला जातो. यंदा उत्तर प्रदेशातील प्रयागराज येथे महाकुंभ मेळावा भरणार आहे. या महाकुंभ-2025 मेळाव्या जगभराती श्रद्धाळु येत आहेत. मिडिया रिपोर्टनुसार या महाकुंभ मेळाव्यास अॅप्पल कंपनीचे सह संस्थापक दिवंगत स्टीव्ह जॉब्स यांची पत्नी आणि जगातील अब्जाधीश महिला लॉरेन पॉवेल या देखील उपस्थित रहाणार आहेत. या लॉरेन पॉवेल यांना टाइम्स मॅगझिनने अनेक वेळा जगातील प्रभावशाली श्रीमंत व्यक्ती म्हणून समाविष्ठ केले आहे.
महाकुंभ मेळाव्यात लॉरेन कल्पवास देखील करणार आहेत. त्यांना एक हिंदू नाव देखील देण्यात आले आहे. या संदर्भात मीडियाशी बोलताना गुरु स्वामी कैलाशानंदजी महाराज यांनी माहिती दिली आहे. त्यांनी सांगितले की ॲप्पलचे सहसंस्थापक स्वर्गीय स्टीव्ह जॉब्स यांचा साल २०११ मध्ये दुर्धर आजाराने मृत्यू झाला होता. स्वामी कैलाशानंद यांनी सांगितले की त्या आपल्या गुरुला भेटण्यासाठी येथे येत आहेत. आम्ही त्यांना आमचे गोत्रही दिले आहे. आणि त्यांचे नाव ‘कमला ‘ असे ठेवले आहे. त्या आमच्या मुली प्रमाणे आहेत. त्या दुसऱ्यांदा भारताला भेट देत आहेत. महाकुंभ मेळाव्यात त्यांचे स्वागत आहे असेही स्वामी कैलाशानंद यांनी सांगितले.
लॉरेन पॉवेल जॉब्स येथे उतरणार
महाकुंभ मेळाव्यात ६१ वर्षीय लॉरेन पॉवेल जॉब्स य येत्या १३ जानेवारी रोजी येत आहे. यांच्या निवासाची व्यवस्था चोख ठेवण्यात आली आहे. त्या महाराजा डिलक्स कॉटेजमध्ये रहाणार आहेत. निरंजनी आखाड्याचे आचार्य महामंडलेश्वर स्वामी कैलाशानंद यांच्या शिबिरात २९ जानेवारीपर्यंत रहाणार आहेत. तसेच सनातन धर्म सजण्याचा प्रयत्न त्या करणार आहेत. याशिवाय १९ जानेवारी सुरु होणाऱ्या कथेच्या त्या पहिल्या सन्मानीय यजमान असणार आहेत.
स्टीव्ह जॉब्स यांचा देखील विश्वास
आयफोन बनविणारी जगप्रसिद्ध अमेरिकन कंपनी ॲप्पल कंपनीचे सह-संस्थापक असलेले स्टीव्ह जॉब्स देखील सनातन परंपरेवर विश्वास ठेवायचे. त्यांनी त्यांच्या जीवनात या संदर्भात अनेक किस्से सांगितले आहे. ते भारतीय साधू संतांना मानतात. त्यात नीम करोली बाबा यांचे नाव पहिल्या क्रमांकावर आहे. १९७४ मध्ये स्टीव्ह जॉब्स नीम करोली बाबाच्या दरबारात आले होते. ते त्यांच्या जीवनातील सत्य शोधण्यासाठी ते येथे आले होते. ते कैंची धाम येथे उतरले होते. परमहंस योगानंद यांनी लिहीलेले पुस्तक ‘ऑटोबायोग्राफी ऑफ ए योगी’ देखील त्यांच्यासाठी खास आहे. स्टीव्ह जॉब्स यांनी अनेकवेळा या पुस्तकाला आपल्या जीवनात बदल घडविण्यास जबाबदार ठरविले आहे.
