Navratri 2023 : उद्यापासून सुरू होणार नवरात्रोत्सव, घटस्थापनेचा मुहूर्त आणि देवीची नऊ रूपं

यावर्षी नवरात्री 15 ऑक्टोबर म्हणजेच उद्यापासून सुरू होत असून 23 ऑक्टोबरपर्यंत चालणार आहे. या 9 दिवसात दुर्गा माताच्या 9 रूपांची पूजा केली जाणार असून दसऱ्याच्या दूसऱ्या दिवशी देवीच्या मूर्तींचे विसर्जन केले जाणार आहे.

नवरात्रीImage Credit source: Social Media

Nitish Gadge | Updated on: Oct 14, 2023 | 8:10 AM

मुंबई : अश्विन महिन्याच्या शुक्ल पक्षातील प्रतिपदा तिथीपासून नवरात्रीची (Navratri 2023) सुरुवात होते आणि नवमीला समाप्त होते. यावर्षी नवरात्री 15 ऑक्टोबर म्हणजेच उद्यापासून सुरू होत असून 23 ऑक्टोबरपर्यंत चालणार आहे. या 9 दिवसात दुर्गा माताच्या 9 रूपांची पूजा केली जाणार असून दसऱ्याच्या दूसऱ्या दिवशी देवीच्या मूर्तींचे विसर्जन केले जाणार आहे. तसेच या दिवशी रावण दहन देखील केले जाते. नवरात्रीच्या पहिल्या दिवशी घटस्थापना केली जाते आणि घरात जवाच्या बिया पेरल्या जातात. असे मानले जाते की नवरात्रीमध्ये दुर्गा देवीची पूजा केल्याने ती प्रसन्न होते आणि भक्तांना आनंद आणि सौभाग्याचे वरदान देते.

काय आहे यंदा देवीचे वाहन?

यंदा शारदीय नवरात्रीला दुर्गा देवी हत्तीवर स्वार होऊन येत आहे. देवीची हत्तीची सवारी शुभ मानली जाते. हत्तीची स्वारी सुख, समृद्धी आणि सौभाग्य आणते.

नवरात्री कलश स्थापना मुहूर्त

नवरात्रीच्या प्रतिपदा तिथीला, कलशाची विधीपूर्वक स्थापना केली जाते आणि 9 दिवस उपवास आणि पूजा करण्याचा संकल्प केला जातो. शारदीय नवरात्रीच्या पहिल्या दिवशी पूजेचा शुभ मुहूर्त 15 ऑक्टोबर 2023 रोजी सकाळी 11:44 ते दुपारी 12:30 पर्यंत असेल.

हे सुद्धा वाचा

घटस्थापनेचा विधी

सर्वप्रथम एका मोठ्या मातीच्या भांड्यात थोडी स्वच्छ माती टाका आणि त्यात गव्हाचे दाणे टाका. यानंतर त्यावर थोडे पाणी शिंपडा.
यानंतर मौली धागा कलशावर बांधून त्यावर स्वस्तिक काढावे.
यानंतर थोडे पाणी घालून त्यात गंगाजल मिसळा.
सुपारी, दुर्वा, अक्षत आणि 1 नाणे पाण्यात टाका.
यानंतर फुलदाणीमध्ये आंब्याची पाच पानं ठेवा. याशिवाय तुम्हाला हवे असल्यास अशोकाची पानेही ठेवू शकता.
यानंतर, एक नारळ घ्या आणि लाल कपड्यात गुंडाळा. त्यात थोडे पैसेही बांधा.
यानंतर, जमीन पूर्णपणे स्वच्छ केल्यानंतर, प्रथम मातीचे भांडे ठेवा ज्यामध्ये तुम्ही गहू पेरले आहे आणि नंतर त्यावर कलश स्थापित करा.
यानंतर सर्व देवी-देवतांचे ध्यान करून पूजा सुरू करा.