Shani Jayanti 2023 : आज शनि जयंती, पुजा करतांना या नियमांचे अवश्य करा पालन
जर तुमच्या कुंडलीमध्ये शनिशी संबंधित काही दोष असेल तर शनि जयंतीच्या दिवशी त्याची पूजा करणे राशीसाठी फायदेशीर ठरू शकते. शनिदेवाला न्यायाची देवता देखील मानले जाते.
मुंबई : हिंदू धार्मिक मान्यतेनुसार शनिदेवाला सूर्यपुत्र मानले जाते. असे मानले जाते की ज्यावर शनिदेवाची वक्र दृष्टी पडते त्याच्या जीवनावर संकटांचा डोंगर कोसळतो. पण, जर शनिदेव तुमच्यावर प्रसन्न असतील तर तुमच्या जीवनात सुख-समृद्धी येते. शनि जयंतीला धार्मिक दृष्टिकोनातून खूप महत्त्व आहे. जर तुमच्या कुंडलीमध्ये शनिशी संबंधित काही दोष असेल तर शनि जयंतीच्या दिवशी त्याची पूजा करणे राशीसाठी फायदेशीर ठरू शकते. शनिदेवाला न्यायाची देवता देखील मानले जाते. शनि जयंती (Shani Jayanti 2023) दरवर्षी वैशाख महिन्यातील अमावास्येला साजरी केली जाते. यावेळी ही तारीख 19 मे 2023 रोजी साजरी केली जाईल. या दिवशी शनिदेवाची पूजा नियमानुसार केल्यास जातकाला लाभ होतो. शनिपूजेशी संबंधित काही खास नियम आहेत, ज्यांचे पालन करणे आवश्यक आहे. याशिवाय अशी काही कामे आहेत, जी करण्यास मनाई आहे. ते नियम काय आहेत ते जाणून घेऊया.
शनिपूजेशी संबंधित महत्त्वाचे नियम
तांब्याचे भांडे वापरू नका – धार्मिक कथांनुसार शनिदेवाला सूर्याचे पुत्र मानले जाते. पण, दोघेही एकमेकांचे शत्रू मानले जातात. असे मानले जाते की तांबे सूर्यदेवाला खूप प्रिय आहेत, त्यामुळे शनिपूजेच्या वेळी त्याचा वापर निषिद्ध आहे. तांब्याऐवजी तुम्ही लोखंडी भांडे किंवा कोणतेही भांडे वापरू शकता.
शनिदेवाच्या डोळ्यात पाहू नका – शनिदेवाची पूजा करताना थेट समोर उभे न राहण्याचा प्रयत्न करा. याशिवाय शनिदेवाच्या पूजेच्या वेळी तुम्ही थेट त्यांच्या डोळ्यांकडे पाहू नये हेही लक्षात ठेवा. असे केल्याने तुम्हाला शुभ ऐवजी अशुभ परिणाम मिळू शकतात.
या रंगाचा वापर करू नका – धार्मिक मान्यतेनुसार शनिदेवाला काळा रंग खूप प्रिय आहे. यासोबतच निळ्या रंगाचा वापरही शुभ मानला जातो. पण, शनिपूजेच्या वेळी चुकूनही लाल रंगाचे कपडे घालू नका, हे लक्षात ठेवा. असे मानले जाते की लाल रंग मंगळाचे प्रतीक आहे आणि शनिदेव मंगळाला आपला शत्रू मानत असत.
या दिशेला शनिदेवाची पूजा करा – धार्मिक दृष्टीकोनातून सामान्य पूजेसाठी पूर्व दिशा सर्वात शुभ मानली जाते. परंतु, शनिदेवाला पश्चिम दिशेचा स्वामी मानले जाते, म्हणून त्यांची पूजा करताना पश्चिम दिशेकडे तोंड करून बसावे. असे केल्याने तुम्हाला पूजेचा अधिक लाभ मिळेल.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
