Shivratri December 2023 : डिसेंबरमध्ये या तारखेला साजरी होणार मासिक शिवरात्री, अशी करा महादेवाची आराधना
Masik Shivratri यावेळी मासिक शिवरात्रीला सुकर्म योग आणि सर्वार्थ सिद्धी योग यांसारखे दुर्मिळ योग तयार होत आहेत. असे मानले जाते की या योगामध्ये जो कोणी भक्त पूजा करतो त्याला भगवान शंकर आणि माता पार्वतीचा विशेष आशीर्वाद प्राप्त होतो.
मुंबई : हिंदू धर्मात शिवरात्रीला (Shivratri) विशेष महत्त्व आहे. या दिवशी भगवान शंकर आणि माता पार्वतीची पूजा केली जाते. पंचांगानुसार, प्राचीन काळी भगवान शिव आणि माता पार्वती यांचा विवाह फाल्गुन महिन्यातील कृष्ण पक्षातील चतुर्दशीला झाला होता. तेव्हापासून दरवर्षी फाल्गुन महिन्यात महाशिवरात्रीचा उत्सव साजरा केला जातो. यासोबतच दर महिन्याला कृष्ण पक्षातील चतुर्दशी तिथीला भाविक मासिक शिवरात्री साजरी करतात. भोलेनाथ आणि माता पार्वतीसाठी शिवरात्रीचे व्रत ठेवले जाते. असा विश्वास आहे की ज्या लोकांचे लग्न होत नाही किंवा त्यांच्या लग्नात अडथळे येत आहेत त्यांना शिवरात्रीचे व्रत ठेवण्याचा सल्ला दिला जातो. चांगला वर मिळावा म्हणून मुलीही शिवरात्रीचे व्रत ठेवतात. डिसेंबर महिन्याला कार्तिक महिना म्हणतात. या महिन्यात कार्तिक शिवरात्रीचे व्रत केव्हा पाळले जाईल ते आम्ही तुम्हाला सांगतो.
मासिक शिवरात्री कधी आहे?
पंचांगानुसार, शनिवार, 11 डिसेंबर 2023 ही कार्तिक महिन्यातील शुक्ल पक्षाची चतुर्दशी तिथी आहे. कृष्ण पक्षातील चतुर्दशी तिथी 11 डिसेंबर रोजी सकाळी 7.10 वाजता सुरू होईल. त्यानंतर ही तारीख 12 डिसेंबर रोजी सकाळी 6.24 वाजता संपेल. 11 डिसेंबर रोजी उदय तिथी डोळ्यासमोर ठेवून मासिक शिवरात्री व्रत केले जाणार आहे.
यावेळी मासिक शिवरात्रीला सुकर्म योग आणि सर्वार्थ सिद्धी योग यांसारखे दुर्मिळ योग तयार होत आहेत. असे मानले जाते की या योगामध्ये जो कोणी भक्त पूजा करतो त्याला भगवान शंकर आणि माता पार्वतीचा विशेष आशीर्वाद प्राप्त होतो.
मासिक शिवरात्रीची पूजा कशी करावी
या दिवशी भाविक सकाळी स्नान करून उपवास करण्याचे व्रत करतात. त्यानंतर सूर्यदेवाला अर्घ्य अर्पण करून भक्त भगवान शंकराचे स्मरण करतात. मासिक शिवरात्रीच्या पूजेमध्ये भगवान शंकराला पांढरी फुले, भांग, धतुरा, तांदूळ आणि मदाराची फुले अर्पण केली जातात. या पूजेमध्ये मंदिरातील शिवलिंगाला पंचामृताने अभिषेक करून बेलपत्र अर्पण केले जाते. त्यानंतर पूजेनंतर आरती केली जाते.
(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
