स्वस्तिकला हिंदू धर्मात का आहे महत्व? ऋग्वेदात सांगीतले आहे कारण
स्वस्तिक हे भारतीय संस्कृतीचे शुभप्रतीक आहे. स्वस्तिकचा सुचक अर्थ 'कल्याण असो' असा आहे. स्वस्तिक मध्ये सूर्य, इंद्र, वायु, पृथ्वी, लक्ष्मी, विष्णू, ब्रम्हदेव, शिवपार्वती,श्रीगणेश अशा अनेक देवतांचा समावेश होत असतो.
मुंबई : हिंदू धर्मात स्वस्तिकचे (Swastik) प्रतीक अत्यंत शुभ मानले जाते. कोणतेही शुभ कार्य सुरू करताना स्वस्तिक चिन्ह काढणे आवश्यक आहे. त्याशिवाय पूजा सुरू होत नाही. स्वस्तिकचे चिन्ह (Importance) सौभाग्याचे सूचक मानले गेले आहे. अध्यात्मिक अनुभवाच्या आधारे, ऋषींनी शुभ प्रकट करण्यासाठी आणि जीवनात आनंद भरण्यासाठी चिन्हे निर्माण केली. यापैकी एक चिन्ह स्वस्तिकचे प्रतीक आहे. हिंदू धर्मग्रंथांमध्ये स्वस्तिकचे चिन्ह भगवान विष्णूचे आसन आणि माता लक्ष्मीचे रूप मानले जाते. चंदन, कुमकुम किंवा सिंदूर लावून स्वस्तिक चिन्ह बनवल्यास ग्रह दोष दूर होतात. धनलाभाचे योग बनतात. घरामध्ये स्वस्तिकचे प्रतीक बनवल्याने देवी लक्ष्मी प्रसन्न होते अशी मान्यता आहे.
स्वस्तिक म्हणजे काय?
हिंदू धर्मात अशी अनेक चिन्हे आहेत, जी शुभ मानली जातात. यापैकी एक स्वस्तिक प्रतीक आहे. स्वस्तिक म्हणजे शुभ. स्वस्तिकचे सर्वात खास वैशिष्ट्य म्हणजे ते कोणत्याही दिशेला केले तरी सकारात्मक ऊर्जा 100 पटीने वाढते. हिंदू धर्मावर विश्वास ठेवणारे बरेच लोकं घराच्या आत अनेक ठिकाणी घराच्या दारात बनवतात.
बहुतेक लोकं एकमेकांना छेदणाऱ्या दोन ओळींद्वारे स्वस्तिकचे चिन्ह बनवतात. पण ते बनवण्याचा हा योग्य मार्ग नाही. हिंदू धर्मातील प्रसिद्ध ऋग्वेदामध्ये स्वस्तिकला सूर्याचे प्रतीक मानले गेले आहे. त्याच्या चार हातांना चार दिशा म्हणतात. विज्ञानानुसार हे गणिताचे लक्षण मानले गेले आहे. हे चिन्ह सकारात्मक आणि नकारात्मक ऊर्जा दोन्ही वाहते. म्हणूनच ते योग्य मार्गाने आणि योग्य दिशेने केले जाणे खूप महत्वाचे आहे.
स्वस्तिक कसे बनवायचे
ज्योतिष शास्त्रात सांगितले आहे की, स्वस्तिक बनवताना हे ते ओलांडून बनवू नये. बहुतेक लोकांना हे माहित नाही. ते प्रथम अधिक चिन्ह बनवतात आणि नंतर स्वस्तिकच्या इतर बाजू काढतात पण अशा प्रकारे बनवलेले स्वस्तिक शुभ मानले जात नाही. स्वस्तिकाची उजवी बाजू नेहमी आधी मग डावी बाजू काढावी. अशा प्रकारे बनवलेले स्वस्तिक शुभ मानले जाते.
(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
