बॅडमिंटन विश्वातून मनाला एका चटका लावणारी बातमी समोर आलीय. एका 17 वर्षाच्या चिनी खेळाडूचा बॅडमिंटनच्या कोर्टवरच मृत्यू झाला. या खेळाडूच्या मृत्यूने बॅडमिंटन विश्वावर शोककळा पसरली आहे. जगभरातील दिग्गज बॅडमिंटनपटू यावर Reaction देत आहेत. 17 वर्षाचा चिनी बॅडमिंटनपटू झांग झिजीचा कोर्टवरच कोसळून कार्डियक अरेस्टने मृत्यू झाला. रविवारी रात्री उशिरा ही घटना घडली. झांग झिजीने किंडरगार्टनमध्ये बॅडमिंटन खेळायला सुरुवात केली होती. मागच्यावर्षी नॅशनल युथ टीममध्ये त्याच सिलेक्शन झालं होतं.
इंडोनेशियाच्या जकार्ता येथे एका टुर्नामेंटमध्ये झांग झिजी बॅडमिंटन खेळताना बेशुद्ध होऊन खाली कोसळला. त्याचा कार्डियक अरेस्टमुळे मृत्यू झाला. जकार्ताच्या योग्याकार्ता येथे एशिया जूनियर चॅपिंयनशिपमध्ये रविवार रात्री उशिरा जापानच्या काजुमा कवानो विरोधात मॅच सुरु होती. त्यावेळी झांग झिजी अचानक आजारी पडून खाली कोसळला.
त्याच ठिकाणी उपचार
झांग झिजीवर सामन्याच्या स्थळी उपचार करण्यात आले. त्यानंतर त्याला रुग्णवाहिकेतून हॉस्पिटलमध्ये नेलं. त्याला शुद्धीवर आणण्याचे बरेच प्रयत्न अयशस्वी ठरल्यानंतर त्याचा त्याच रात्री मृत्यू झाला.
BREAKING: 17-year-old Chinese badminton player Zhang Zhijie has died of cardiac arrest after collapsing on the court during a tournament in Indonesia. pic.twitter.com/X5fg6GJVGH
— Wide Awake Media (@wideawake_media) July 1, 2024
Absolutely heartbreaking news coming from the Junior Asian Badminton Championships about the loss of young badminton player Zhang Zhi Jie.
I offer my deepest condolences to Zhang’s family during this devastating time. The world has lost a remarkable talent today.
— Pvsindhu (@Pvsindhu1) June 30, 2024
पी.व्ही. सिंधुने काय म्हटलय?
झांग झिजीच्या निधनावर भारतीय बॅडमिंटन स्टार पीवी सिंधुने सुद्धा दु:ख व्यक्त केलय. तिने सोशल मीडियावर एक पोस्ट लिहिली. “झांग झिजीच्या निधनाने मी दु:खी आहे. मी त्याच्या कुटुंबीयांच्या दु:खात सहभागी आहे. आज जगाने एक असामान्य प्रतिभा गमावली आहे” असं पीवी सिंधुने म्हटलय.