CWG 2022, High Jump : तेजस्वीन शंकरची कमाल, कांस्यपदकाची कमाई, अ‍ॅथलेटिक्समधील भारताचं पहिलं यश
CWG 2022, High Jump : उंच उडीत भारताचा राष्ट्रीय विक्रम करणाऱ्या तेजस्वीन शंकरला या खेळांसाठी भारतीय अ‍ॅथलेटिक्स संघात स्थान नाकारण्यात आले, त्यानंतर त्यानं न्यायालयात धाव घेतली. अधिक जाणून घ्या...
नवी दिल्ली : वेटलिफ्टिंग, ज्युडो, टेबल टेनिस, लॉन बॉन, स्क्वॉश आणि बॅडमिंटननंतर भारतानं अ‍ॅथलेटिक्समध्येही यश मिळवलं आहे . भारताचा स्टार अ‍ॅथलीट तेजस्वीन शंकर (Tejaswin Shankar) यानं बर्मिंगहॅम कॉमनवेल्थ (CWG 2022) गेम्स 202 मध्ये पुरुषांच्या उंच उडीत (High Jump) कांस्यपदक जिंकून अ‍ॅथलेटिक्समध्ये भारताचं खातं उघडलं आहे . उंच उडीत भारताचा राष्ट्रीय विक्रम नोंदवणाऱ्या तेजस्वीननं अंतिम फेरीत 2.22 मीटरची सर्वोच्च उडी मारून या स्पर्धेत भारताचे पहिले राष्ट्रकुल क्रीडा पदक जिंकून इतिहास रचला. बुधवार 3 ऑगस्ट रोजी राष्ट्रकुल क्रीडा स्पर्धेचं मुख्य ठिकाण असलेल्या अलेक्झांडर स्टेडियमवर झालेल्या या उंच उडीच्या अंतिम फेरीत तेजस्वीननं 2.10 उंचीसह यशस्वी सुरुवात केली. त्यानं ते एकाच प्रयत्नात पार केलं. यानंतर तेजस्विननं प्रत्येकी एका प्रयत्नात 2.15, 2.19 आणि 2.22 मीटरचा पल्ला पार केला. राष्ट्रकुलमधील अपडेट सविस्तर जाणून घ्या….
कसेबसे कांस्यपदक जिंकले
ऑस्ट्रेलियाचा ब्रँडन स्टार्क आणि न्यूझीलंडचा हमिश करर होता. दोघांनी 2.25 मीटरची उंची पार केली होती, पण इथे तेजस्वीन चुकला आणि दोन प्रयत्नातही तो पार करू शकला नाही. मात्र, त्याचा शेवटचा प्रतिस्पर्धी बहामासचा डोनाल्ड थॉमसही या उंचीवर अडकला आणि तिन्ही प्रयत्नांमध्ये तो अपयशी ठरला. अशा स्थितीत तेजस्वीनचे तिसरे स्थान निश्चित झाले, कारण तो यापूर्वी कोणत्याही प्रयत्नात अपयशी ठरला नव्हता, तर थॉमस प्रत्येकी 2.15 मीटर आणि 2.22 मीटरमध्ये एकदा अपयशी ठरला होता. अशा प्रकारे टाय झाल्यास, सर्वात कमी अयशस्वी प्रयत्नांसह ऍथलीट विजेता मानला जातो. याचाच फायदा तेजस्वीनने घेतला.पदक निश्चित झाल्यानंतर तेजस्विनने उंची 2.25 वरून 2.28 पर्यंत वाढवली, पण त्यात तो अपयशी ठरला. असे असूनही त्याचे पदक निश्चित झाले आणि त्याने ऐतिहासिक कांस्यपदक जिंकले.
कोर्टाच्या मदतीने पदकापर्यंतचा प्रवास
तेजस्वीनचे हे पदक केवळ ऐतिहासिकच नाही, तर अतिशय खासही आहे, कारण यापूर्वी या खेळांसाठी त्याची निवडही झाली नव्हती. भारतीय ऍथलेटिक्स फेडरेशनने CWG साठी निवडलेल्या 36 सदस्यीय संघात तेजस्वीनला संधी दिली नाही, कारण त्याने AFI पात्रता स्पर्धेत भाग घेतला नाही, परंतु यूएस मधील कॅन्सस विद्यापीठाच्या स्पर्धेत त्याने AFI-सेट मार्क मिळवले. त्यानंतर तेजस्वीनने दिल्ली उच्च न्यायालयात धाव घेतली, तेथून न्यायालयाने AFI आणि भारतीय ऑलिम्पिक संघटनेला त्याचा समावेश करण्याचे निर्देश दिले. न्यायालयाच्या आदेशाचे पालन करूनही, खेळाच्या आयोजन समितीने प्रथमच आयओएची विनंती धुडकावून लावल्याने समस्या संपलेली नाही. मात्र, अखेरच्या क्षणी ते मान्य करण्यात आले. यानंतर व्हिसाचा मुद्दाही अडकला आणि अखेर 31 ऑगस्टनंतरच तो बर्मिंगहॅमला जाऊ शकला.
