AFG vs PAK 2nd Odi | अफगाणिस्तानने शेवटपर्यंत रडवलं, पण पाकिस्तानचा 1 विकेटने सनसनाटी विजय, मालिका जिंकली
afghanistan vs pakistan 2nd odi | पाकिस्तानने अफगाणिस्तानवर दुसऱ्या एकदिवसीय सामन्यात शेवटच्या ओव्हरमध्ये 1 विकेटने विजय मिळवला.
हंबटटोटा | पाकिस्तान क्रिकेट टीमने 1 बॉल राखून दुसरा वनडे सामना हा 1 विकेटने जिंकला आहे. अफगाणिस्तानने पाकिस्तानला विजयासाठी 301 रन्सचं टार्गेट दिलं होतं. पाकिस्तानने या आव्हानाचा शानदार पाठलाग केला. सामना शेवटच्या ओव्हरपर्यंत पोहचला. त्यामुळे थरार आणखी रंगला. क्रिकेट चाहत्यांची उत्सूकता आणखी शिगेला पोहचली. पाकिस्तान दुसऱ्या सामन्यासह मालिका जिंकते की अफगाणिस्तान बरोबरी करते, याकडे चाहत्यांचं लक्ष होतं. मात्र पाकिस्तानने बाजी मारली. पाकिस्तानने 301 धावांचं लक्ष्य हे 49.5 ओव्हरमध्ये 9 विकेट्सच्या मोबदल्यात पूर्ण केलं. पाकिस्तानने यासह 3 सामन्यांची मालिका 2-0 ने जिंकली.
पाकिस्तानने मालिका जिंकली
.@iNaseemShah does it again! 🤩
Pakistan ride on @76Shadabkhan‘s excellent knock and @ImamUlHaq12‘s glorious 91 to gain an unassailable 2️⃣-0️⃣ lead 💪🇵🇰#AFGvPAK | #BackTheBoysInGreen pic.twitter.com/olIrabso3e
— Pakistan Cricket (@TheRealPCB) August 24, 2023
अफगाणिस्तानची बॅटिंग
त्याआधी अफगाणिस्तानने टॉस जिंकून बॅटिंगचा निर्णय घेतला. अफगाणिस्तानकडून रहमानुल्लाह गुरुबाज याने बॅटिंगने तोडफोड केली. रहमानुल्लाह याने सर्वाधिक 151 धावांची खेळी केली. इब्राहिम झद्रान याने 80 धावांचं योगदान दिलं. मोहम्मद नबी याने 29 धावा केल्या. तर कॅप्टन हशमतुल्ला शाहिदी याने नाबाद 15 धावांचं योगदान दिलं.
अब्दुल रहमान याने नॉट आऊट 4 रन्स केल्या. राशिद खान 2 धावांवर आऊट झाला. तर शाहीदुल्ला कमाल 1 धावेवर रनआऊट झाला. पाकिस्तानकडून शाहिन अफ्रिदी याने 2 विकेट्स घेतल्या. तर उस्मा मीर आणि नशीम शाह या दोघांच्या खात्यात 1-1 विकेट गेली.
अफगाणिस्तान प्लेईंग इलेव्हन | हशमतुल्ला शाहिदी (कॅप्टन), रहमानउल्ला गुरबाज (विकेटकीपर), इब्राहिम झद्रान, रियाझ हसन, इक्रम अलीखिल, मोहम्मद नबी, रशीद खान, मुजीब उर रहमान, फझलहक फारुकी, अब्दुल रहमान आणि शाहीदुल्ला कमाल.
पाकिस्तान प्लेईंग इलेव्हन | बाबर आझम (कॅप्टन), फखर जमान, इमाम-उल-हक, मोहम्मद रिझवान (विकेटकीपर), आगा सलमान, इफ्तिखार अहमद, शादाब खान, उसामा मीर, शाहीन आफ्रिदी, नसीम शाह आणि हरिस रौफ.