मुंबई : इंडियन प्रीमियर लीगच्या 2022 (IPL 2022) पंधराव्या सीजनमध्ये शुक्रवारी रात्री ब्रेबॉर्न स्टेडियमवर झालेल्या सामन्यात राजस्थान रॉयल्स संघाने चेन्नई सुपर किंग्जला (CSK) पाच विकेट्सने पराभूत करून गुणतालिकेत दुसरा नंबर गाठला. नाणेफेक जिंकल्यानंतर धोनीच्या CSK ने स्कोअरबोर्डवर 150 धावा केल्या होत्या. ज्याला प्रत्युत्तर म्हणून दोन चेंडूंपूर्वी लक्ष्य गाठले गेले. यशस्वी जैस्वाल (44 चेंडूत 59 धावा) यानंतर रविचंद्रन अश्विनने 23 चेंडूत नाबाद 40 धावा केल्या. रियान परागसोबत त्याची चांगलीच जम बसली. यासह चेन्नईने 14 सामन्यांतील 10व्या पराभवासह आपला प्रवास संपवला. पुढच्या सामन्यात आणखी काय होतं, याची उत्सुकता लागून आहे. आयपी एलचा पहिला चॅम्पियन राजस्थान रॉयल्स (RR) हा 15व्या हंगामात प्लेऑफसाठी पात्र ठरणारा तिसरा संघ ठरला आहे. राजस्थानच्या विजयानंतर आर अश्विनचं (R Ashwin) सेलिब्रेशन चांगलंच व्हायरल झालंय.
रविचंद्रन अश्विन आयपीएल 2022 मध्ये आपल्या बॉल आणि बॅटने खूप चमकदार खेळी खेळत आहे. या स्टार अष्टपैलू खेळाडूने शुक्रवारी त्याचा जुना संघ चेन्नई सुपर किंग्ज विरुद्ध चेंडू आणि बॅटने चमकदार कामगिरी केली. अश्विनने प्रथम गोलंदाजीत 4 षटकात 28 धावा देऊन एक बळी घेतला आणि त्यानंतर फलंदाजीत हात उघडला आणि 40 धावांची नाबाद आणि सामना जिंकणारी खेळी खेळली. आपल्या खेळीदरम्यान त्याने 23 चेंडूत दोन चौकार आणि तीन षटकार ठोकले.
— Rajasthan Royals (@rajasthanroyals) May 20, 2022
राजस्थानचा 14 सामन्यांतील हा नववा विजय
राजस्थानचा 14 सामन्यांतील हा नववा विजय आहे . संघाचे नाव लखनौ सुपर जायंट्सच्या 18 गुणांच्या बरोबरीचे आहे परंतु चांगल्या नेट रनरेटमुळे ते दुसऱ्या स्थानावर आहेत.
आतापर्यंत 125 चेंडूत 183 धावा
अश्विनने या मोसमात चांगली फलंदाजी केली असून त्याने आतापर्यंत 125 चेंडूत 183 धावा केल्या आहेत. या कालावधीत त्याची सरासरी 30.5 आहे. त्याने 146.4 च्या स्ट्राईक रेटने या धावा केल्या आहेत.
चेन्नई सुपर किंग्जविरुद्धच्या विजयानंतर अश्विनचे सेलिब्रेशन सोशल मीडियावर चांगलेच व्हायरल होत आहे. अश्विनला त्याच्या अष्टपैलू कामगिरीसाठी सामनावीर म्हणून गौरवण्यात आले.
विजयानंतर अश्विन म्हणाला, ‘आमच्यासाठी हा दिवस खूप छान आहे. आम्ही लीग टप्पा अतिशय सकारात्मक पद्धतीने पूर्ण केला. मी सराव सामन्यांमध्ये अनेक वेळा सलामी दिली. नेटमध्ये फलंदाजी केली. मला माहित आहे की मी गोलंदाजांवर ताकदीने मारा करू शकत नाही. त्यामुळे मी धावा काढण्याचे नवनवे मार्ग शोधत असतो. गोलंदाजीतही माझी भूमिका मला माहीत आहे. काहीवेळा असे होते की जर फलंदाजांनी तुमच्याविरुद्ध धोका पत्करला नाही तर तुम्हाला कमी विकेट मिळतात.
Playoffs Qualification ✅
No. 2⃣ in the Points Table ✅
कालच्या सामन्यानंतर आयपीएलचा पॉईंट्स टेबल बघितल्यास राजस्थान रॉयल्सच्या विजयात आणखी एका सामन्याच्या विजयाची भर पडली आहे. पॉईट्स टेबलमध्ये गुजरात टायटन्स पहिल्या क्रमांकावर आहे. या संघाने एकूण 14 सामने खेळले आहेत. त्यापैकी 10 सामन्यात त्यांना विजय मिळालाय तर 4 सामन्यात पराभवाचा सामना करावा लागलाय. दुसऱ्या स्थानी राजस्थान रॉयल्स आहे. या संघाने कालचा धरून एकूण 14 सामन्यांपैकी नऊ सामन्यात यश संपादन केलंय. तर पाच सामन्यात त्यांना पराभवाचा सामना करावा लागलाय.
