ENG vs SL : मार्क वूडच्या जागी या खेळाडूचा समावेश, श्रीलंकेला टेन्शन
England vs Sri Lanka Test Cricket : इंग्लंड श्रीलंके विरूद्धच्या कसोटी मालिकेत 1-0 ने आघाडीवर आहे. आता उर्वरित मालिकेसाठी इंग्लंड टीममध्ये युवा खेळाडूची एन्ट्री झाली आहे.
इंग्लंडचा स्टार वेगवान गोलंदाज मार्क वूड याला दुखापतीमुळे श्रीलंके विरूद्धच्या कसोटी मालिकेतून बाहेर पडावं लागलं आहे. वूडच्या जागी इंग्लंड क्रिकेट बोर्डाने युवा खेळाडूचा समावेश केला आहे. इंग्लंड टीममध्ये वूडच्या जागी जोश हल या 20 वर्षीय गोलंदाजाला संधी दिली आहे. आयसीसीने सोशल मीडियावरुन याबाबतची माहिती दिली आहे. इंग्लड या कसोटी मालिकेत 1-0 ने आघाडीवर आहे. इंग्लंडने पहिल्या कसोटीतील चौथ्या दिवशी (24 ऑगस्ट) श्रीलंकेवर 5 विकेट्सने विजय मिळवला.
मार्क वूड याला पहिल्या कसोटी सामन्यातली तिसऱ्या दिवशी दुखापत झाली. मार्क वूड याने श्रीलंकेच्या दुसऱ्या डावातील 11 वी ओव्हर टाकली. वूडला 2 बॉल टाकल्यानंतर मैदानाबाहेर जावं लागलं. त्यामुळे जो रुट याने उर्वरित 4 बॉल टाकले आणि ओव्हर पूर्ण केली. रुटने या दरम्यान मिलन रथनायके याला आऊट केलं. वूड इंग्लंडच्या अनेक मॅचविनर खेळाडूंपैकी एक आहे. आता वूडच्या जागी 6 फुट 7 इंच उंच खेळाडूला संधी दिली गेली आहे.
जॉश हल या 20 वर्षीय गोलंदाजाने देशातंर्गत क्रिकेटमध्ये उल्लेखनीय कामगिरी केली आहे. जॉश लेस्टरशायरच्या आघाडीच्या गोलंदाजांपैकी एक आहे. जॉशने 2023 साली लेस्टरशायरला वन डे 2023 कप जिंकून देण्यात निर्णायक भूमिका बजावली होती. तसेच जॉशने फर्स्ट क्लास क्रिकेटमध्ये 62.75 च्या सरासरीने 16 विकेट्स घेतल्या आहेत. आता जॉशला श्रीलंके विरूद्धच्या दुसऱ्या कसोटी सामन्यात संधी मिळणार का? याकडे क्रिकेट चाहत्यांचं लक्ष असणार आहे.
मार्क वूड आऊट, जोश इन
England lose key pacer to injury for the rest of the #WTC25 Test series against Sri Lanka.
Read on 👇https://t.co/53SyfpUFsq
— ICC (@ICC) August 25, 2024
कसोटी मालिकेसाठी इंग्लंडचा सुधारित संघ : ऑली पोप (कॅप्टन), गस ऍटकिन्सन, शोएब बशीर, जॉर्डन कॉक्स, बेन डकेट, जोश हूल, डॅनियल लॉरेन्स, मॅथ्यू पॉट्स, जो रूट, जेमी स्मिथ (विकेटकीपर), ऑली स्टोन आणि ख्रिस वोक्स.
टेस्ट सीरिजसाठी श्रीलंका टीम : धनंजया डी सिल्वा (कर्णधार), दिमुथ करुणारत्ने, निशान मदुष्का, कुसल मेंडिस, अँजेलो मॅथ्यूज, दिनेश चंडिमल (विकेटकीपर), कामिंदू मेंडिस, प्रभात जयसूर्या, असिथा फर्नांडो, विश्व फर्नांडो, मिलन रथनायके, लाहिरू कुमारा, सदीरा समरविक्रमा, कसून रजिथा, पथुम निसांका, निसाला थाराका, जेफ्री वेंडरसे आणि रमेश मेंडिस.
