Gautam Gambhir on Virat Kohli : गौतमचं विराटवर ‘गंभीर’ वक्तव्य, कोहलीच्या चुकीवर बाजूही घेतली अन् सवालही विचारला
'विराट कोहली ज्या प्रकारे आऊट झाला त्यामुळे तो खूप निराश झावा. त्यानं असा शॉट खेळलात तर बरं आहे. पण, असा शॉट कोणत्याही युवा खेळाडूनं खेळला असता तर...'
नवी दिल्ली : टीम इंडियानं (Team India) पाकिस्तानविरुद्ध विजय मिळवला असला तरी त्याच्या आघाडीच्या फलंदाजांच्या कामगिरीवर सातत्यानं प्रश्नचिन्ह उपस्थित केले जात आहे. केएल राहुल याने (KL Rahul) पहिल्या चेंडूला ज्या पद्धतीने हाताळले. रोहित शर्मा आणि विराट कोहलीवर खराब फटके खेळल्याबद्दल टीका होत आहे. माजी क्रिकेटपटू गौतम गंभीरने खासकरून विराट कोहलीवर निशाणा साधला आहे. विराट कोहलीसारखा (Virat Kohli) अनुभवी क्रिकेटपटू असा खराब शॉट खेळत असेल तर तो अजिबात योग्य नाही, असे गंभीरचे मत आहे. गौतम गंभीरने (Gautam Gambhir) स्टार स्पोर्ट्सशी खास संवाद साधताना सांगितले की, ‘विराट कोहली ज्या प्रकारे आऊट झाला त्यामुळे तो खूप निराश होईल. रोहित शर्माची विकेट नुकतीच पडली होती आणि तुम्ही असा शॉट खेळलात तर बरे आहे की असा शॉट कोणत्याही युवा खेळाडूने खेळला नाही. एखाद्या तरुणाने असा खेळ केला असता, तर बरीच टीका झाली असती.
गोष्टी सोप्या होऊ शकल्या असत्या
गंभीर पुढे म्हणाला, ‘विराट कोहलीला अशा प्रकारचा शॉट खेळण्याची गरज नव्हती. तू 34 चेंडू खेळलास आणि 35 धावा केल्या होत्या. तुमचा कर्णधार नुकताच आऊट झाला होता, त्यामुळे तुम्हाला डाव आणखी थोडा वाढवण्याची संधी होती. अशा परिस्थितीत गोष्टी सोप्या होऊ शकल्या असत्या.
विराटने मोहम्मद नवाजला विकेट दिली
विराट कोहलीने 35 धावांच्या वैयक्तिक स्कोअरवर आपली विकेट गमावली. डावखुरा फिरकी गोलंदाज मोहम्मद नवाजच्या चेंडूवर त्यानं मोठा फटका खेळण्याचा प्रयत्न केला. पण चेंडू चुकला आणि तो लाँग ऑफला इफ्तिखार अहमदकडे झेलबाद झाला. विराट कोहली त्याच्या फटकेबाजीनं निराश दिसला. मात्र, हार्दिक पांड्या आणि रवींद्र जडेजाच्या बळावर टीम इंडियानं पाच विकेट्स राखून विजय मिळवला.
…तर बरीच टीका झाली असती
गोमत म्हणाला की, ‘विराट कोहली ज्या प्रकारे आऊट झाला त्यामुळे तो खूप निराश होईल. रोहित शर्माची विकेट नुकतीच पडली होती आणि तुम्ही असा शॉट खेळलात तर बरे आहे की असा शॉट कोणत्याही युवा खेळाडूने खेळला नाही. एखाद्या तरुणाने असा खेळ केला असता, तर बरीच टीका झाली असती.’
टीम इंडियाच्या रणनीतीवरही टीका
गौतम गंभीरने टीम इंडियाच्या रणनीतीवरही टीका केली. ज्यामध्ये आक्रमक वृत्तीबद्दल बोलले जात आहे. गंभीरच्या मते, आक्रमकतेचा अर्थ असा नाही की तुम्ही विचार न करता शॉट्स खेळा. 15व्या षटकात सामना संपला की 19व्या षटकात एकूण विजय याला महत्त्व आहे, असे गंभीरचे मत आहे. गंभीरच्या मते, तुम्ही कोणत्याही खेळाचा टेम्प्लेट सेट करू शकत नाही.
