आयसीसी टी 20 वर्ल्ड कप 2024 स्पर्धेत आपली छाप सोडणाऱ्या यजमान यूएसने सातत्यपूर्ण कामगिरी सुरु ठेवली आहे. यूएसने आयसीसी क्रिकेट वर्ल्ड कप लीग स्पर्धेत कॅनडावर रंगतदार झालेल्या सामन्यात 14 धावांनी मात करत विजयी सुरुवात केली आहे. यूएसने कॅप्टन मोनांक पटेल याच्या शतकी खेळीच्या जोरावर कॅनडाला विजयासाठी 305 धावांचं तगडं आव्हान दिलं होतं.कॅनडाने या धावांचा पाठलाग करताना चिवट झुंज दिली. मात्र त्यांचे प्रयत्न 14 धावांनी अपुरे पडले. कॅनडाला 50 ओव्हरमध्ये 9 विकेट्स गमावून 290 धावांपर्यंतच मजल मारता आली. यूएसने यासह या स्पर्धेत विजयी सुरुवात केली.
कॅनडासाठी हर्ष ठाकेर, आरोन जॉन्सन आणि डिलन हेलिगर या तिघांनी अर्धशतकी खेळी केली. हर्ष, डिलन आणि आरोन या तिघांनी अनुक्रमे 77, 56 आणि 55 अशा धावा केल्या. परगत सिंह याने 42 धावांचं योगदान दिलं. या चौघांनी केलेल्या खेळीमुळे कॅनडाला सामन्यात शेवटपर्यंत कायम ठेवलं. मात्र या चौघांशिवाय कॅनडाकडून इतरांना काही योगदान देता आलं नाही. त्यामुळे कॅनडा विजयी आव्हानापर्यंत पोहचण्यात अपयशी ठरली. यूएसएकडून नॉथुश केंजिगे याने सर्वाधिक 3 विकेट्स घेतल्या. तर शॅडली व्हॅन शाल्कविक आणि जसदीप सिंह या दोघांनी 2-2 विकेट्स घेतल्या.तर हरमीत सिंह आणि स्टीव्हन टेलर या दोघांनी 1-1 विकेट घेत चांगली साथ दिली.
यूएसएची विजयी सुरुवात
#TeamUSA wins their first ODI of the ICC Men’s Cricket World Cup League 2 against Canada by 14 runs! 🤩 🙌
Stay tuned for USA’s next match as they take on the Netherlands on August 15th! 👊 #USAvCAN | #CWCLeague2 | #WeAreUSACricket 🇺🇸 pic.twitter.com/FYv7eZVM4J
— USA Cricket (@usacricket) August 13, 2024
कॅनडा प्लेइंग ईलेव्हन : निकोलस किर्टन (कॅप्टन), आरोन जॉन्सन, दिलप्रीत बाजवा, आदित्य वरदराजन, परगट सिंग, हर्ष ठाकेर, श्रेयस मोव्वा (विकेटकीपर), साद बिन जफर, डिलन हेलिगर, कलीम सना आणि जेरेमी गॉर्डन.
युनायटेड स्टेट्स प्लेइंग ईलेव्हन : मोनांक पटेल (कॅप्टन आणि विकेटकीपर), स्टीव्हन टेलर, स्मित पटेल, आरोन जोन्स, मिलिंद कुमार, शायन जहांगीर, हरमीत सिंग, शॅडली व्हॅन शाल्कविक, जसदीप सिंग, अभिषेक पराडकर आणि नॉथुश केंजिगे.