IND vs ENG: 91 वर्षांपूर्वीचा ब्रॅडमन यांचा विक्रम तोडण्याच्या उंबरठ्यावर जो रुट, भारताविरुद्ध करणार ‘ही’ धमाकेदार कामगिरी
इंग्लंडकडून चौथ्या क्रमांकावर फलंदाजीसाठी आलेल्या जो रुटने या मालिकेतलं सलग तिसरं शतक ठोकलं. त्याने 14 चौकारांच्या मदतीने 121 धावांची खेळी केली.
लंडन : इंग्लंडचा कर्णधार जो रूट (Joe Root) जबरदस्त फॉर्ममध्ये दिसून येत आहे. भारताविरुद्धच्या कसोटी सामन्यात रुट अप्रतिम फलंदाजी करत धावांचा डोंगर रचतच चालला आहे. 5 कसोटी सामन्यांतील तीन कसोटी सामन्यातच त्याने 3 शतकं ठोकली आहेत. तिसऱ्या कसोटीतही रुटच्या शतकाच्या जोरावर इंग्लंडने चांगली आघाडी मिळवली. पण सोबतच रूट एक 91 वर्ष जुना रेकॉर्ड तोडण्याच्या अगदी जवळ पोहोचला आहे. विशेष म्हणजे हा रेकॉर्ड महान क्रिकेटपटू सर डॉन ब्रॅडमन यांचा असून आता तो लवकरच रुटच्या नावे होऊ शकतो.
जो रूटने हेडिंग्ले येथील तिसऱ्या कसोटीमध्ये इंग्लंजच्या पहिल्या डावात 165 चेंडूत 121 धावा करत शतक ठोकलं. त्याने यावेळी 14 चौकार लगावले. विशेष म्हणजे या मालिकेतील हे रुटचे तिसरे शतक असून त्याने एक अर्धशतकही लगावलं आहे. या तीन शतकांच्या जोरावर रुटने मालिकेत तीन कसोटी सामन्यातील पाच डावा 126.57 च्या सरासरीने 507 रन्स बनवले आहेत. तो अजून पाच डाव भारताविरुद्ध या मालिकेत खेळणार आहे. यादरम्यानही त्याने अशीच फलंदाजी केल्यास तो 1930 मधील सर डॉन ब्रॅडमन यांचा रेकॉर्ड तोडू शकतो.
रूटकडे ब्रॅडमनचा 974 धावांचा रेकॉर्ड तोडण्याची संधी
ऑस्ट्रेलियाचे महान फलंदाज सर डॉन ब्रॅडमन यांनी 1930 या एका वर्षात एका संघाविरुद्ध सर्वाधिक म्हणजे 7 डावात 974 धावा केल्या आहेत. ज्यानंतर 1974 मध्ये वेस्ट इंडीजचे दिग्गज खेळाडू क्लाइव लॉयड यांनी एका वर्षात भारताविरुद्द 14 डावात 903 रन्स बनवले. काही धावा मागे राहिल्याने ते ब्रॅडमन यांचा रेकॉर्ड तोडू शकले नाही. पण रुटने 2021 या एका वर्षात भारताविरुद्ध 13 डावांत एकूण 875 धावा केल्या आहेत. त्यामुळे अजून 100 धावा केल्यास तो ब्रॅडमन यांचा रेकॉर्ड तोडू शकेल.
इतर बातम्या
IND vs ENG : रोहितची एक चूक भारताला पडली महाग, तिसऱ्या कसोटीत मोठं नुकसान, पाहा VIDEO
विराट सातव्यांदा अँडरसनचा बळी, कोहलीला खेळताच येईना, गावसकर म्हणाले, आताच्या आता सचिनला कॉल कर!
(In india vs england test Englands captain joe root may break 91 year old world record set by don bradman of most runs against same team in one year)