IND vs ENG 2nd ODI: पंड्या-चहलने इंग्लंडला दिले धक्के, 15 षटकानंतर अशी आहे स्थिती
IND vs ENG 2nd ODI: भारत आणि इंग्लंड (IND vs ENG) मध्ये दुसरा वनडे सामना सुरु आहे. ऐतिहासिक लॉर्ड्सच्या मैदानावर (Lords Ground) हा सामना खेळला जात आहे.
मुंबई: भारत आणि इंग्लंड (IND vs ENG) मध्ये दुसरा वनडे सामना सुरु आहे. ऐतिहासिक लॉर्ड्सच्या मैदानावर (Lords Ground) हा सामना खेळला जात आहे. भारताचा कॅप्टन रोहित शर्माने (Rohit Sharma) नाणेफेक जिंकून प्रथम गोलंदाजी करण्याचा निर्णय घेतला. भारत आणि इंग्लंड मध्ये तीन वनडे सामन्यांची मालिका खेळली जात आहे. भारताने पहिला सामना जिंकून मालिकेत 1-0 अशी आघाडी घेतली आहे. आज विजयी आघाडी मिळवण्याचा भारताचा पुरेपूर प्रयत्न असेल. नुकत्याच संपलेल्या टी 20 मालिकेत भारताने दमदार कामगिरी केली. भारताने 2-1 ने ही मालिका जिंकली होती. आता वनडे मालिकेत क्लीन स्वीप करण्याचा भारताचा प्रयत्न असेल.
तशी सुरुवात करणं जमलेलं नाही
दुसऱ्या वनडेत भारताला पहिल्या सामन्याप्रमाणे सुरुवात करता आलेली नाही. पहिल्या सामन्यात भारताने सुरुवातीच्या षटकातच इंग्लंडला तडाखे दिले होते. आजच्या सामन्यात भारताला तसं करणं जमलेलं नाही. जेसन रॉय आणि जॉनी बेयरस्टोने आज चांगली सुरुवात केली. लॉर्ड्सची खेळपट्टी ओव्हल सारखी नाहीय. ओव्हलच्या पीचवर चेंडूला उसळी मिळत होती. तसा बाऊन्स इथे नाहीय. जेसन रॉयच्या रुपाने 41 धावांवर इंग्लंडची पहिली विकेट गेली. रॉय 23 धावांवर हार्दिक पंड्याच्या गोलंदाजीवर आऊट झाला. त्याने सूर्यकुमार यादवकडे झेल दिला. जेसन रॉयने 33 चेंडूत 23 धावा केल्या. यात 2 चौकार आणि 1 षटकार आहे.
बुमराह-शमीने पहिल्या स्पेल मध्ये कशी केली गोलंदाजी?
15 षटकांअखेरीस इंग्लंडची 2 बाद 72 अशी धावसंख्या आहे. आता बेन स्टोक्स आणि ज्यो रुटची जोडी मैदानात आहे. 15 व्या षटकात जॉनी बेयरस्टोला 38 धावांवर युजवेंद्र चहलने बोल्ड केलं. त्याने 38 चेंडूत 38 धावा करताना 6 चौकार लगावले. मागच्या सामन्यातील यशस्वी गोलंदाज जसप्रीत बुमराहने 4 षटकात 16 धावा दिल्या. एक निर्धाव ओव्हर टाकली. मोहम्मद शमीने 4 षटकात 24 धावा दिल्या. पण त्यांना अजून विकेट काढणं जमलेलं नाही.
