टीम इंडियाच्या अष्टपैलू खेळाडूचं शुभमंगल सावधान!

इंडियन प्रीमियर लीगमध्ये (Indian Premier League) सनरायझर्स हैदराबाद संघाकडून खेळणार्‍या विजय शंकरने 2018 मध्ये कोलंबो येथे श्रीलंकाविरुद्धच्या सामन्याद्वारे आंतरराष्ट्रीय टी-20 क्रिकेटमध्ये पदार्पण केले होते.

अक्षय चोरगे, टीव्ही 9 मराठी डिजीटल टीम | Updated on: Jan 28, 2021 | 4:50 PM

हैदराबाद : भारतीय क्रिकेट संघातील अष्ठपैलू खेळाडू विजय शंकर विवाह बंधनात अडकला आहे. विजयने त्याची मैत्रीण वैशाली विश्वेश्वरन हिच्यासोबत लग्नगाठ बांधली आहे. 2020 आयपीएलचा हंगाम सुरु होण्यापूर्वी दोघांचा साखरपुडा झाला होता, आता विजय आणि वैशाली विवाह बंधनात अडकले आहेत. विजय आयपीएलमध्ये सनरायझर्स हैदराबाद संघाकडून खेळतो. सनरयझर्स हैदराबाद संघाने सोशल मीडियावर एक पोस्ट करुन विजय-वैशालीच्या लग्नाची माहिती दिली आहे, तसेच या नवदाम्पत्याला पुढील आयुष्यासाठी शुभेच्छादेखील दिल्या आहेत. (India cricketer Vijay Shankar gets married)

दरम्यान, विजय शंकरच्या आयुष्यातील या नव्या सुरुवातीसाठी भारतीय संघातील तसेच सनरायझर्स हैदराबाद या संघातील अनेक खेळाडूंनी शुभेच्छा दिल्या आहेत. के.एल. राहुल, युजवेंद्र चहल, श्रेयस अय्यर, क्रुणाल पंड्या, मोहम्मद सिराज यांनी विजयला शुभेच्छा दिल्या आहेत.

इंडियन प्रीमियर लीगमध्ये (Indian Premier League) सनरायझर्स हैदराबाद संघाकडून खेळणार्‍या विजय शंकरने 2018 मध्ये कोलंबो येथे श्रीलंकाविरुद्ध आंतरराष्ट्रीय टी-20 क्रिकेटमध्ये पदार्पण केले होते. त्यानंतर ऑस्ट्रेलियामध्ये मेलबर्न येथे पहिला एकदिवसीय सामना खेळत त्याने आंतरराष्ट्रीय एकदिवसीय क्रिकेटमध्ये पाऊल ठेवलं. इंग्लंडमध्ये आयोजित 2019 वर्ल्ड कप स्पर्धेत त्याची टीम इंडियाच्या (Team India) संघात निवड झाली होती.

विजय शंकरने आतापर्यंत 12 एकदिवसीय सामन्यांमध्ये भारतीय संघाचं प्रतिनिधीत्व केलं आहे. या 12 सामन्यांमध्ये त्याने 223 धावा जमवल्या आहेत. 46 ही त्याची सर्वोच्च धावसंख्या आहे. तर 9 टी-20 सामन्यांमध्ये विजयने 101 धावा जमवल्या आहेत. 43 ही त्याची सर्वोच्च टी-20 धावसंख्या आहे. गोलंदाजीत त्याने एकदिवसीय सामन्यांमध्ये 4 तर टी-20 मध्ये 5 बळी मिळवले आहेत.

Sending our best wishes to @vijayshankar260 on this very special day!

May you have a happy and blessed married life ??#SRHFamily #OrangeArmy #SRH pic.twitter.com/elDUYKVww2

— SunRisers Hyderabad (@SunRisers) January 27, 2021

आयपीएलच्या आगामी आवृत्तीसाठी हैदराबाद फ्रँचायझीने 30 वर्षीय विजयला रिटेन केले असून पाच खेळाडूंना बाहेरचा रस्ता दाखवला आहे. सनरायझर्स हैदराबादने डेव्हिड वॉर्नर, मनीष पांडे, केन विलियम्सन, जॉनी बेयरस्टो, रिद्धिमान साहा, श्रीवत्स गोस्वामी, प्रियम गर्ग, विराट सिंह, रशिद खान, विजय शंकर, मोहम्मद नबी, अभिषेक शर्मा, मिशेल मार्श, जेसन होल्डर, अब्दुल समद, टी. नटराजन, खलील अहमद, संदीप शर्मा, तुलसी थंपी, शाहबाज नदीम, सिद्धार्थ कौल, भुवनेश्वर कुमार या खेळाडूंना संघात कायम ठेवलं आहे. तर बिली स्टॅनलेक, फेबियन एलन, संजय यादव, बी. संदीप, वाय. पृथ्वीराज या खेळाडूंना संघमुक्त केलं आहे.