IPL 2024 : मुंबई इंडियन्सच्या दुखऱ्या बाजूवर सुनील गावस्कर यांनी ठेवलं बोट, म्हणाले…

मुंबई : आयपीएल 2024 स्पर्धा सुरु होण्यासाठी आता अवघ्या काही तासांचा अवधी शिल्लक आहे. पुढचे दोन महिने क्रिकेटप्रेमींसाठी मेजवानी असणार आहे. आपल्या लाडक्या संघांना प्रोत्साहन देण्यासाठी चाहते सज्ज आहे. मुंबई इंडियन्सचे इतर फ्रेंचायसीच्या तुलनेत जास्त चाहते आहेत. मुंबई इंडियन्स संघात स्पर्धेपूर्वीच बदल पाहायला मिळाले आहेत. रोहित शर्माकडून कर्णधारपद काढून ते हार्दिक पांड्याच्या हाती दिलं आहे. सहाव्यांदा जेतेपदासाठी रणनिती आखली गेल्याचं बोललं जात आहे. पण असं सर्व असताना मुंबई इंडियन्स संघासमोर एक चिंतेचा विषय आहे. पहिल्या सामन्यात सूर्यकुमार यादव खेळणार नाही. त्यात माजी क्रिकेट सुनील गावस्कर यांनी मुंबई इंडियन्सची कमकुवत बाजू उघड केली आहे. सुनील गावस्कर यांच्या मते, “मुंबई इंडियन्स संघाला डेथ ओव्हरमध्ये मजबूत फटका बसू शकतो.” त्याचं कारणही त्यांनी पुढे स्पष्ट केलं आहे.

माजी क्रिकेटपटू सुनील गावस्कर म्हणाले की, “डेथ ओव्हरमध्ये गोलंदाजी करणं मुंबई इंडियन्सला कठीण जाईल. बुमराह आहे पण दुसऱ्या बाजूने धावा निघतील. त्यामुळे मुंबई इंडियन्सची ही कमकुवत बाजू आहे असं मला वाटतं. असं असलं तरी मुंबईच्या आक्रमक फलंदाजीमुळे गोलंदाजांना काही अंशी दिलासा मिळू शकतो.” बुमराहसोबत जेराल्ड कोएत्झी, आकाश मधवाल किंवा अर्जुन तेंडुलकर यापैकी एक जण भूमिका बजावणार आहे.

मुंबई इंडियन्सचा पहिला सामना गुजरात टायटन्सशी आहे. 24 मोर्चला हा सामना अहमदाबादच्या नरेंद्र मोदी स्टेडियममध्ये होईल. हार्दिक पांड्या पहिलाच सामना पूर्वीच्या फ्रेंचायसी विरुद्ध खेळणार आहे. हार्दिक पांड्याने आयपीएलमध्ये 123 सामने खेळले आहेत. यात 145 च्या स्ट्राईक रेटने 2309 धावा केल्या आहेत. तर 53 विकेट्स घेतल्या आहेत.

मुंबई इंडियन्स संघ : हार्दिक पांड्या (कर्णधार), रोहित शर्मा, इशान किशन, टीम डेव्हिड, सूर्यकुमार यादव, विष्णू विनोद, नेहल वढेरा, देवाल्ड ब्रेविस, पियुष चावला, श्रेयस गोपाल, अंशुल कंबोज, मोहम्मद नबी, शम्स मुलदानी, शम्स मुलदानी , तिलक वर्मा, जसप्रीत बुमराह, जेराल्ड कोएत्झी, कुमार कार्तिक्ये, आकाश मधवाल, दिलशान मदुशंका, अर्जुन तेंडुलकर, नुवान तुषारा, ल्यूक वुड, नमन धीर, शिवालिक शर्मा.