SRH vs GT Rain : हैदराबाद विरुद्ध गुजरात सामना पावसामुळे रद्द होणार?
Sunrisers Hyderabad VS Gujarat Titans Weather Report : सनरायजर्स हैदराबाद विरुद्ध गुजरात टायटन्स सामन्याआधी पावसाची जोरदार बॅटिंग सुरु आहे. त्यामुळे सामना रद्द होण्याची शक्यता आहे.
आयपीएलच्या 17 व्या मोसमातील 66 व्या सामन्यात सनरायजर्स हैदराबाद विरुद्ध गुजरात टायटन्स आमनेसामने असणार आहेत. पॅट कमिन्स याच्याकडे एसआरएचचं नेतृत्व आहे. तर शुबमन गिल गुजरातची धुरा सांभाळणार आहे. या सामन्याचं आयोजन हे हैदराबादमधील राजीव गांधी स्टेडियममध्ये करण्यात आलं आहे. हैदराबादसाठी प्लेऑफच्या हिशोबाने हा सामना अतिशय महत्त्वाचा आहे. या सामन्याला नियोजित वेळेनुसार संध्याकाळी 7 वाजून 30 मिनिटांनी सुरुवात होणार आहे. मात्र त्याआधी एक मोठी अपडेट समोर आली आहे.
राजीव गांधी स्टेडियममध्ये गेल्या काही तासांपासून मुसळधार पाऊस सुरु आहे. पावसाचं पाणी मैदानात पसरल्याने खेळपट्टीसह 30 यार्ड सर्कलचा भाग हा कव्हर्सने झाकला आहे. जोरदार पाऊस अजूनही सुरु आहे. त्यामुळे सामना रद्द होण्याची दाट शक्यता आहे. याआधी गुजरात टायटन्स विरुद्ध कोलकाता नाईट यांच्यातील सामना हा पावसामुळे रद्द झाला. त्यामुळे आता हैदराबाद विरुद्ध गुजरात सामान रद्द झाल्यास उभयसंघांना प्रत्येकी 1-1 पॉइंट्स देण्यात येईल.
तुफान वारा जोरदार पाऊस
Uppal Stadium Battles Heavy rain:(#SRHvsGT pic.twitter.com/qEp0BoJAYh
— SunRisers OrangeArmy Official (@srhfansofficial) May 16, 2024
दरम्यान हैदराबाद आणि गुजरात हे दोन्ही संघ या हंगामात दुसऱ्यांदा आमनेसामने आहेत. या आधी उभयसंघात 31 मार्च रोजी सामना झाला होता. तेव्हान गुजरातने हैदराबादवर 7 विकेट्सने शानदार विजय मिळवला होता.
सनरायजर्स हैदराबाद टीम : पॅट कमिन्स (कॅप्टन), जयदेव उनाडकट, झटावेध सुब्रमण्यन, टी नटराजन, मयंक मार्कंडे, भुवनेश्वर कुमार, फजलहक फारुकी, वॉशिंग्टन सुंदर, शाहबाज अहमद, सनवीर सिंग, ग्लेन फिलिप्स, नितीश रेड्डी, मार्को जॅनसेन, अभिषेक शर्मा, राहुल त्रिपाठी, उपेंद्र यादव, एडन मारक्रम, हेनरिक क्लासेन, ट्रॅव्हिस हेड, अनमोलप्रीत सिंग, मयंक अग्रवाल, अब्दुल समद, आकाश महाराज सिंग, वानिंदू हसरंगा आणि उमरान मलिक.
गुजरात टायटन्स प्लेईंग ईलेव्हन : शुबमन गिल (कर्णधार), डेव्हिड मिलर, ऋद्धिमान साहा, साई सुधारसन, शाहरुख खान, मॅथ्यू वेड, केन विल्यमसन, अजमतुल्ला ओमरझाई, अभिनव मनोहर, रशीद खान, विजय शंकर, राहुल तेवतिया, स्पेन्सर जॉन्सन, कार्तिक त्यागी, जोशुआ लिटल, दर्शन नळकांडे, नूर अहमद, रविश्रीनिवासन साई किशोर, मोहित शर्मा, जयंत यादव, उमेश यादव, सुशांत मिश्रा, संदीप वॉरियर, शरथ बीआर आणि मानव सुथर.
